ფოტოებში: რა ხდებოდა გასულ ღამეს ვაგზლის მოედანზე — დაშლილია გარემოვაჭრეების დახლები

რა ხდება: თბილისის მუნიციპალური ინსპექცია აცხადებს, რომ მათმა თანამშრომლებმა მეტრო სადგურის მოედნის და ე.წ. დეზერტირების ბაზრის მიმდებარე ტერიტორიიდან გარევაჭრობისთვის განკუთვნილი უნებართვო კონსტრუქციები გაიტანეს.

უწყება ირწმუნება, რომ მუნიციპალურმა ინსპექციამ გარე მოვაჭრეები წინასწარ რამდენჯერმე გააფრთხილა, შეეწყვიტათ უნებართვო სამეწარმეო საქმიანობა.

განცხადებიდან: "ბოლო პერიოდში, სადგურის მოედნის და მეტროს გამოსასვლელების მიმდებარედ უკანონო გარე ვაჭრობამ, სხვადასხვა სახის მსუბუქი კონსტრუქციების და დახლების გამოყენებით ტროტუარების შეზღუდვამ და მოქალაქეთა გადაადგილების შეფერხებამ, სისტემატური ხასიათი მიიღო.

გახშირდა საავტომობილო გზებზე გადმოსვლის და ტრანსპორტის მოძრაობისათვის ხელისშეშლის ფაქტებიც.
აგრეთვე, ტერიტორიაზე უკანონო საქმიანობიდან გამომდინარე, ანტისანიტარია და გარემოს ნარჩენებით დაბინძურების ფაქტებიც ფიქსირდებოდა."

ბოლო ხაზი: თბილისის მუნიციპალური ინსპექცია აცხადებს, რომ აქტიურად ახორციელებს დედაქალაქში, მუნიციპალიტეტის ტერიტორიაზე და საზოგადოებრივ სივრცეებში გარე ვაჭრობის კონტროლს, სხვადასხვა კონსტრუქციების და ნაგებობების უკანონო განთავსებით იერსახის დამახინჯების მონიტორინგსა და საზოგადოებრივი სივრცეების შეზღუდვის აღკვეთას.

ბოლო ამბები:

გირჩევთ