მოკლედ: მედიის ადვოკატირების კოალიცია სამართალდამცავ უწყებებს მოუწოდებს, დროულად გამოიძიონ ჟურნალისტ ნატო გოგელიას სახლში შეღწევისა და ქონების დაზიანების ფაქტი.

  • "ჟურნალისტების დაშინების ან ზიანის მიყენების ნებისმიერი მცდელობა არის თავდასხმა თავისუფალი და დამოუკიდებელი მედიის ფუნდამენტურ პრინციპებზე", — წერს მედიაკოალიცია.

რა მოხდა: 2024 წლის 27 მარტს, ტელეკომპანია პირველის რეგიონულმა ჟურნალიტმა ნატო გოგელიამ ფეისბუქ გვერდზე დაწერა, რომ რამდენიმე დღის წინ, მის კუთვნილ საცხოვრებელ სახლში უკანონოდ შევიდნენ და ქონება დააზიანეს.

ფოტო: ნატო გოგელიას ფეისბუქ გვერდი

  • ჟურნალისტი აღნიშნავს, რომ 2023 წელს, მისი სახლი, ერთი კვირის განმავლობაში, სამჯერ გაქურდეს.
  • მისი თქმით, 2023 წელს ჩადენილ მსგავს დანაშაულებზე ხელისუფლებას დღემდე არ ჰქონია ეფექტიანი რეაგირება, რამაც, შესაძლოა, ბოლო დანაშაულის ჩადენაც წაახალისა.

მედიის ადვოკატირების კოალიცია წერს, რომ ჟურნალისტები გადამწყვეტ როლს ასრულებენ დემოკრატიის დაცვასა და საზოგადოების ინფორმირებაში.

"ასეთი ქმედებები საფრთხეს უქმნის ჟურნალისტების შესაძლებლობას, რომ მათ შიშისა და რეპრესიების გარეშე შეასრულონ პროფესიული მოვალეობები," — აცხადებს კოალიცია.

მსგავსი: მედიაომბუდსმენი ითხოვს, დაუყოვნებლივ შეწყდეს მუქარა TV პირველის ჟურნალისტსა და მის ოჯახზე