რა ხდება: საქართველოს პროკურატურის ინფორმაციით, ტრანსნაციონალური დანაშაული გახსნეს.

  • ორგანიზებული ჯგუფის მიერ ჩადენილი თაღლითობის ბრალდებით, საქმე აღიძრა უცხო ქვეყნის 5 და — საქართველოს 2 მოქალაქის მიმართ.

დეტალები: გამოძიებით დადგინდა, რომ ბრალდებულებმა შექმნეს ორგანიზებული დანაშაულებრივი ჯგუფი.

  • ამ ჯგუფის მიზანი იყო, უცხოეთში მცხოვრები პირებისთვის დიდი ოდენობით თანხები თაღლითურად გამოერთმიათ.
  • მათ სოციალურ ქსელებში დაარეგისტრირეს ყალბი გვერდები, რომლითაც წერდნენ სხვა ქვეყნების მოქალაქეებს, მათ ნდობას მოიპოვებდნენ და შემდეგ, სხვადასხვა გამოგონილი მიზეზით, საკუთარ საბანკო ანგარიშებზე თანხებს მოტყუებით არიცხვინებდნენ.
  • ამ ჯგუფის წევრები, მათ შორის, სოციალური ქსელით დაუკავშირდნენ ნიდერლანდებში მცხოვრებ მოქალაქეს, რომელსაც ეტაპობრივად გადმოარიცხვინეს 128 424 ევრო საქართველოში.
  • საქმე აღძრულია მუხლებით, რომელიც ორგანიზებული ჯგუფის მიერ თაღლითობას და მოტყუებით სხვისი ნივთის დაუფლებას გულისხმობს.
  • ეს მუხლები 7-დან 10 წლამდე თავისუფლების აღკვეთას ითვალისწინებს.