მოკლედ: საქართველოს პრეზიდენტი სალომე ზურაბიშვილი აცხადებს, რომ ოკუპირებულ რეგიონებში რუსეთის ფედერაციის საპრეზიდენტო არჩევნების ჩატარება "ყოვლად უკანონო" და მიუღებელია".

  • "დღეს, როცა კვლავ ოკუპირებულია აფხაზეთი და ცხინვალის რეგიონი, მივმართავ საერთაშორისო საზოგადოებას სათანადო რეაგირება მოახდინოს რუსეთის ფედერაციის ამ უკანონო და ქვეყნის სუვერენიტეტის შემლახავ ქმედებებზე", — წერია განცხადებაში.

მსგავსი: საგარეო საქმეთა სამინისტრო გმობს ოკუპირებულ რეგიონებში რუსეთის საპრეზიდენტო არჩევნების ჩატარებას

დეტალები: ზურაბიშვილის თქმით, ოკუპირებულ ტერიტორიებზე არჩევნების ჩატარება საქართველოს სუვერენიტეტსა და ტერიტორიულ მთლიანობას "უხეშად ლახავს" და ეწინააღმდეგება საერთაშორისო ნორმებს.

  • "ეს საკითხი საქართველოს პრეზიდენტმა იენს სტოლტენბერგთან დღეს, 18 მარტს, ორბელიანების სასახლეში გამართული შეხვედრისას დააყენა და კიდევ ერთხელ დაგმო".

გაიგე მეტი: რაზე ილაპარაკა იენს სტოლტენბერგმა — აქცენტები

ბოლო ხაზი: რუსეთის საპრეზიდენტო არჩევნებისთვის კენჭისყრა 15-დან 17 მარტამდე, 3 დღის განმავლობაში მიმდინარეობდა.

მსგავსი: 2030 წლამდე რუსეთს კვლავ პუტინი მართავს — დათვლილია ხმების 99.7 პროცენტი