სასიხარულო ამბავი ჰარი პოტერის მოყვარულებისთვის. წლის დასაწყისში, ჯოან როულინგმა გვაცნობა, რომ ჰარი პოტერის მაგიის ისტორიისადმი მიძღვნილი გამოფენით დაგვაჯილდოვებს, რომელიც წიგნის ოცი წლის თავს ეძღვნება. გამოფენა 2017 წლის 20 ოქტომბერს ბრიტანეთის ბიბლიოთეკაში გაიხსნება.

თუმცა ეს ყველაფერი არ არის! მკითხველი ჰარი პოტერის ორ ახალ წიგნს მიიღებს, რომლის პრეზენტაციაც გამოფენაზე შედგება.

დიახ, არ მოგეჩვენათ, ეს სიმართლეა!

პირველი წიგნი ჰარი პოტერი: მაგიის ისტორია იქნება, რომელიც ჰოგვორტსის საკლასო ოთახებსა და სასკოლო საგნებს უფრო დეტალურად გაგვაცნობს.

ხოლ მეორე წიგნში ჰარი პოტერი: მოგზაურობა მაგიის ისტორიაში იქნება, რომელიც სავსეა უცნობი ეპიზოდებითა და ავტორის ხელნაწერი გვერდებით, მწერლის შექმნილი ილუსტრაციებითა და შთამაგონებელი არტეფაქტებით.

ოც ოქტომბერს, დაესწარით გამოფენას, დაიყვირეთ Accio! და წიგნები თქვენს ხელში გაჩნდება! ხოლო თუ მაგლი ხართ, დაელოდეთ წიგნების მაღაზიებში გამოსვლას.