მოკლედ: სამთავრობო ტელეარხის, იმედის მიხედვით, ნატოს გენერალურმა მდივანმა იენს სტოლტენბერმა ქრონიკის კითხვაზე პასუხად განაცხადა, რომ "ახლო მომავალში" საქართველოს ეწვევა.

  • ტელევიზიის თანახმად, მათ სტოლტენბერგს საქართველოსთან ურთიერთობის გაღრმავების შესახებ ჰკითხეს "ომისა და ტურბულენტური პერიოდის კონტექსტში";
  • ასევე, ქრონიკის შეკითხვა იყო, თუ რას შეიძლება ველოდოთ ივლისში, საქართველოს მომავალი გაწევრიანების კონტექსტში.

"რეფორმები მნიშვნელოვანია", — იმედის შეკითხვის საპასუხოდ, ნატოს გენერალურმა მდივანმა საქართველოს ამ გზავნილით მიმართა.

სტოლტენბერგმა ხაზგასმით აღნიშნა, რომ ნატოს მთავარი ღირებულებები დემოკრატია და კანონის უზენაესობაა.

სტოლტენბერგი: "საქართველო ნატოს ღირებული პარტნიორია.

  • ჩვენ მტკიცედ გვჯერა, რომ საქართველოს, ისევე, როგორც ყველა ქვეყანას, აქვს უფლება, აირჩიოს თავისი გზა.
  • საქართველოში რამდენჯერმე ვარ ნამყოფი და ისევ ვეწვევი ახლო მომავალში, რათა კიდევ უფრო გავაძლიერო ჩვენი პარტნიორობა.
  • საქართველოს მიმართ ჩემი გზავნილია, რომ რეფორმები მნიშვნელოვანია.

ნატოს აქვს მთავარი ღირებულებები — დემოკრატია, კანონის უზენაესობა. ამიტომ მნიშვნელოვანია, რომ საქართველო შეესაბამებოდეს ამ სტანდარტებს, როდესაც ის მიიწევს წინ ევროატლანტიკური ინტეგრაციის გზაზე", — განაცხადა ნატოს გენერალურმა მდივანმა. [ტ/კ იმედის თარგმანი]