ფოტოები: მიტოვებული შენობები მთელი მსოფლიოდან

მიტოვებულ შენობებში შესვლა ადამიანთა ნაწილში უარყოფით ემოციებს იწვევს. ცნობისმოყვარეობას თან ახლავს შიში, დაძაბულობა და გაურკვევლობა.

რა საიდუმლოებებს მალავენ ეს ნანგრევები, ხშირ შემთხვევაში ვერც კი წარმოვიდგენთ. ვინ ცხოვრობდა, რას ფიქრობდა, რა უხაროდა, რაზე წუხდა და ბრაზობდა? რატომ დატოვეს ეს შენობები? რატომ და ვის იზიდავენ ისინი?

რას შეიძლება ველოდოთ ამ ნანგრევებსა თუ მიტოვებულ შენობებში. ქვეწარმავლები? ჭუჭყი? ანტისანიტარია? კი, ნამდვილად, ამ შენობებში ყოველივე ეს აუცილებლად იქნება, მაგრამ გარდა ამისა, საოცრებებსაც ვხვდებით, ბუნების შექმნილ საოცრებებს. ალბათ, ადამიანებმა და ფოტოგრაფებმა ისე ჩაიარეს ამ ნანგრევებთან, რომ არც კი უფიქრია, რა შედევრებს, საოცრებას და კადრებს კარგავდნენ.

გერმანელ ფოტოგრაფ კრისტიან რიხტერს კი "ჭუჭყიანი ნანგრევები" არ გამოჰპარვია. როგორც თვითონ ამბობს, ევროპის გარშემო რამდენიმე წელი მოგზაურობდა, რათა ასეთი ადგილებისთვის მიეგნო და ფოტოსურათები შეეგროვებინა.

ოდესღაც პრესტიჟული შენობებისგან ახლა ნანგრევებია დარჩენილი. ბუნებამ კი თავისი ქნა, ჩაერია და ხელოვნების ნიმუშად აქცია.