რა ხდება: გირჩის ერთ-ერთი ლიდერი, იაგო ხვიჩია ჰყვება, რომ გუშინ, დღის ბოლოს მათთან ოფისში მივიდა აგრესიული მამაკაცი, რომელიც თანამშრომლებს შეურაცხყოფას აყენებდა. ყველაფერი კი ფიზიკური დაპირისპირებით დასრულდა.

დეტალები: News.on.ge-სთან ხვიჩია ამბობს, რომ კაცი მან გუშინ პირველად ნახა.

  • "მოტივი იყო ის, რომ მისი ძმა გავათავისუფლეთ ჯარისგან, წავიდა ამერიკაში, ჯარის ნაცვლად და ამას აპროტესტებდა, თქვენ ეშმაკისეული ორგანიზაცია ხართ, ახალგაზრდები შეცდომაში შეგყავთო და ა.შ. შეურაცხყოფას აყენებდა თანამშრომლებს.
  • გავაგდე გარეთ და ამ დროს მომიქნია ხელი და მომხვდა, მაგრამ თვითონ მეტი მოხვდა", — თქვა ხვიჩიამ.

დეპუტატის თქმით, სამართალდამცველებთან მომხდარის შესახებ არ უსაუბრია.

  • News.on.ge-ს შსს-ში უთხრეს, რომ ფიზიკური დაპირისპირების ფაქტზე საქმე 124-ე მუხლით არის აღძრული, რაც გაუფრთხილებლობით ჯანმრთელობის ნაკლებად მძიმე, ან მძიმე დაზიანებას გულისხმობს.