მოკლედ: დიდუბის რაიონში, აკაკი წერეთლის გამზირსა და მის მიმდებარე ქუჩებზე 1-ელი აპრილიდან ზონალურ-საათობრივი პარკირება ამოქმედდება.

  • ამის შესახებ თბილისის მერმა კახა კალაძემ დღეს, 6 მარტს, თბილისის მთავრობის სხდომაზე განაცხადა.

დეტალები: მერის თქმით, 1-ელი მარტიდან კონკრეტულ მისამართებზე უკვე განთავსებულია საინფორმაციო ჯიხურები.

  • "იმისთვის, რომ ადგილობრივმა მოსახლეობამ საცხოვრებელ სახლებთან უფასოდ გააჩერონ ავტომანქანები, ადგილობრივ მცხოვრებლებს მოვუწოდებ, დროულად მიმართონ განთავსებულ პავილიონებს და დაარეგისტრირონ ავტომობილები", — განაცხადა მერმა.

სად უნდა გააკეთოთ განაცხადი, თუ ამ უბნებში ცხოვრობთ: პავილიონები განთავსებულია შემდეგ მისამართებზე:

  • წერეთლის გამზირი N118 (საგამოფენო ცენტრ ექსპო ჯორჯიას მიმდებარედ);
  • წერეთლის გამზირი N12ა-ს მიმდებარედ;
  • წერეთლის გამზირი N116; წერეთლის გამზირი N76;
  • წერეთლის გამზირი N48;
  • წერეთლის გამზირის N140 (მეტროსადგურ დიდუბის მიმდებარედ)
  • და წყალტუბოს ქუჩა N10.

ბოლო ხაზი: თბილისის მერია აცხადებს, რომ პავილიონები მუშაობს ყოველდღე, კვირისა და ორშაბათის გარდა, 09:00-დან 18:00 საათამდე.

გაიგე მეტი: თბილისის რომელ ქუჩებზე მოქმედებს ზონალური პარკირება