მოკლედ: ფინანსთა სამინისტროს საგამოძიებო სამსახურის მიხედვით, 2024 წლის 1-ელ მარტს, დიდი ოდენობით უაქციზო სიგარეტის შენახვა-გადაზიდვის ფაქტზე, 3 პირი დააკავეს.

დეტალები: უწყების ცნობით, სამეგრელოში სამ სხვადასხვა ადგილას, ბრალდებულებისაგან ამოღებულია სარეალიზაციოდ განკუთვნილი, სხვადასხვა დასახელების ჯამში 54 500 კოლოფი უაქციზო სიგარეტი, რომლის საერთო საბაზრო ღირებულება 256 000 ლარს აღემატება.

  • გამოძიება მიმდინარეობს საქართველოს სისხლის სამართლის კოდექსის მე-200 მუხლის მეორე და მესამე ნაწილებით, რაც 6-დან 8-წლამდე თავისუფლების აღკვეთას გულისხმობს.

ბოლო ხაზი: ფინანსთა სამინისტროს საგამოძიებო სამსახური აცხადებს, რომ 2024 წლის თებერვლის თვეში, უაქციზო სიგარეტის შენახვა-გადაზიდვა-რეალიზაციის 20 ფაქტი გამოავლინეს, რაზეც ბრალდებულის სახით პასუხისგებაში მიეცა 15 პირი, მათგან კი დაკავებულია 4 პირი.

  • დანაშაულში მხილებული პირებისაგან ამოღებულია სარეალიზაციოდ განკუთვნილი სხვადასხვა დასახელების, ჯამში, 12 676 კოლოფი უაქციზო სიგარეტი, რომლის საერთო საბაზრო ღირებულება 70 000 ლარს აღემატება.