რა ხდება: იანდექსისა და ბოლტის მძღოლები დამსაქმებელ კომპანიებს სასამართლოში უჩივიან.

  • ისინი შრომითი ხელშეკრულებების გაფორმებას ითხოვენ.
  • მძღოლებმა, პროფკავშირებთან ერთად, დღეს აქცია გამართეს.

დეტალები: “ათასობით ადამიანია დასაქმებული, რომლებსაც არაგარანტირებული სამუშაო ადგილი აქვთ. დღეს სასამართლოში სარჩელი შეგვაქვს იმიტომ, რომ ეს ურთიერთობა სასამართლომ, როგორც შრომითი ურთიერთობა აღიაროს”, — განაცხადა პროფკავშირების თავმჯდომარის მოადგილემ, ლავრენტი ალანიამ.

  • ამას გარდა, მოქმედი რეგულაციებით, აპლიკაციით დასაქმებულ B კატეგორიის ტაქსის მძღოლებს, უფლება არ აქვთ ბასლაინი გადაკვეთონ და მგზავრები ჩაისვან.
  • აქციის მონაწილეები მოითხოვენ, მათ ამისი უფლება მიეცეთ.

ამ მოთხოვნებით, მძღოლების ნაწილმა, აქცია გასულ კვირასაც გამართა.

ამავე თემაზე: უამრავი დრო ჰქონდათ მათთვის მნიშვნელოვანი ლიცენზიის ასაღებად — კალაძე ტაქსის მძღოლების პროტესტზე