სადებიუტო ალბომის გამოშვებიდან 6 თვის შემდეგ BTS-ის წევრმა V-მ ახალი სიმღერის სახელი და გამოსვლის თარიღი დააანონსა. V-ს ახალ სიმღერას FRI(END)S ჰქვია, მისი გამოსვლის თარიღი კი 15 მარტია.

ლეიბლ Big Hit-ის მიერ გავრცელებული ინფორმაციით, ახალი სიმღერა R&B-ის ჟანრისაა, კლიპს კი სიმღერის ტექსტის ინგლისური ვერსია ტიტრებად დაერთვება. BTS-ის ინსტაგრამის გვერდზე ამ სიახლის გავრცელებამდე V-ის ვიდეო გამოქვეყნდა, რომელმაც გულშემატკივრების დიდი მოწონება დაიმსახურა.

შეგახსენებთ, რომ V-მ 2023 წლის სექტემბერში სადებიუტო ალბომი Layover გამოუშვა, რომელიც პოპულარული მალევე გახდა. 2023 წლის ნოემბერში კი V სამხრეთ კორეის სავალდებულო სამხედრო სამსახურში გაიწვიეს. ჯარში გაწვევამდე V-მ მსმენელებს შეატყობინა, რომ შემდეგი 18 თვის განმავლობაში, სანამ სცენაზე დაბრუნებას შეძლებდა, ფანებისთვის ბევრი სიურპრიზის გაკეთებას აპირებდა.

რაც შეეხება BTS-ის სხვა წევრებს, სავალდებულო სამხედრო სამსახურში უკვე ბენდის ყველა მომღერალი გაიწვიეს და სავარაუდოდ, 2025 წლამდე ჯგუფის გაერთიანება ვერ მოხერხდება.