მოკლედ: სპეციალური საგამოძიებო სამსახურის ინფორმაციით, სამსახურებრივი უფლებამოსილების ბოროტად გამოყენებისთვის, შინაგან საქმეთა სამინისტროს დეტექტივი ამხილეს.

დეტალები: გამოძიებით დადგინდა, რომ

  • ზუგდიდში მცხოვრებ დაზარალებულს, შვილის საზღვარგარეთ გაყვანასთან დაკავშირებით, ყოფილ ქმართან კონფლიქტი ჰქონდა.
  • კონფლიქტის მოსაგვარებლად, დაზარალებულის ყოფილი ქმრის ოჯახმა, შსს-ს სამეგრელო-ზემო სვანეთის პოლიციის დეპარტამენტის დეტექტივს მიმართა, რომელმაც "თავისი სამსახურებრივი უფლებამოსილება ბოროტად გამოიყენა".
  • 2024 წლის 13 თებერვალს, სამართალდამცავმა, პოლიციის უნიფორმით და ცეცხლსასროლი იარაღით, დაზარალებულს სახლში მიაკითხა, სიტყვიერი შეურაცხყოფა მიაყენა და დაემუქრა, "ბავშვის საზღვარგარეთ გასაყვანად უვადო მინდობილობას არ გაცემის შემთხვევაში, იარაღისა ან/და ნარკოტიკის ჩადებით".
  • დაზარალებულმა აღნიშნული დანაშაულის შესახებ სპეციალური საგამოძიებო სამსახურის ზუგდიდის ოფისში განაცხადა.

ბოლო ხაზი: პოლიციის დეტექტივს ბრალდება სამსახურებრივი უფლებამოსილების ბოროტად გამოყენებისთვის წარედგინა და გადაყენებული იქნა დაკავებული თანამდებობიდან.

  • დანაშაული 3 წლამდე თავისუფლების აღკვეთას ითვალისწინებს.