მოკლედ: ალექსეი ნავალნის ცოლი, იულია ნავალნაია აცხადებს, რომ შესაძლოა, ოპოზიციონერი პოლიტიკოსის დაკრძალვამ მშვიდად არ ჩაიაროს და პოლიციამ დააკავოს მოქალაქეები, რომლებიც მის ქმართან გამოსამშვიდობებლად მივლენ.

  • ამის შესახებ მან ევროპარლამენტში სიტყვით გამოსვლისას განაცხადა.

ამ თემაზე: ცნობილი გახდა, სად და როდის დაკრძალავენ ალექსეი ნავალნის

დეტალები: იულია ნავალნაიამ დაგმო რუსეთის "სასტიკი და მზაკვრული ომი" უკრაინაში და თქვა, რომ დასავლეთის სტრატეგიამ, რუსეთის წინააღმდეგ ბრძოლაში, არ იმუშავა.

  • "თქვენ ვერ დააზარალებთ პუტინს ახალი რეზოლუციით ან სანქციებით, რომელიც არ განსხვავდება წინა რეზოლუციებისგან“, — თქვა მან და ურჩია ევროპარლამენტარებს, მისი ქმრისგან მიეღოთ ინსპირაცია. ნავალნის მან უწოდა "გამომგონებელი", რომელსაც "ყოველთვის ჰქონდა ახალი იდეები ყველაფერთან დაკავშირებით, განსაკუთრებით კი პოლიტიკასთან".

    "აღარ უნდა იყოთ მოსაწყენები", — მიმართა მან ევროპარლამენტის წევრებს.

ბოლო ხაზი: ალექსეი ნავალნის 1 მარტს, მოსკოვში დაკრძალავენ.

ასევე, ნახეთ: ვინ არის იულია ნავალნაია, პუტინის ახალი მტერი