მთავარ არხზე ცვლილებებია — ნიკა გვარამიას კომენტარი
![](http://monica.on.ge/2024/02/28/nika-gvaramia.jpg)
ფოტო: ვიკიპედია
მოკლედ: ნიკა გვარამია On.ge-სთან ადასტურებს, რომ აღარ ფლობს მის მიერ დაფუძნებული მთავარი არხის წილს.
- შესაბამისი ცვლილება უკვე ასახულია საჯარო რეესტრის საიტზეც.
- ცვლილების თანახმად, ნიკა გვარამიამ 12%-იანი წილი გადასცა სოფო ლილუაშვილს.
- სოფო ლილუაშვილი ნიკა გვარამიას ცოლია.
- კიდევ ერთი ცვლილების მიხედვით, არხის გენერალურ დირექტორად გიორგი გაბუნია აირჩიეს, რომელიც დირექტორის მოვალეობას ასრულებდა მას შემდეგ, რაც 2022 წლის მაისში ნიკა გვარამია დააკავეს.
- არხს ასევე ეყოლება ორი დირექტორი — გიორგი ქურდაძე და მანუჩარ ახალაია.
რა გვითხრა გვარამიამ: "ციხიდან გამოსვლის შემდეგ, მე აღარ ვმართავ ტელევიზიას. დირექტორის მოვალეობას გიორგი გაბუნია ასრულებდა და ახლა უკვე ოფიციალურად დაინიშნა ამ პოზიციაზე.
- წილი გადავაფორმე იმიტომ, რომ პოლიტიკაში წასვლა გულისხმობს, რომ ტელევიზიაში წილს არ უნდა ფლობდე პოლიტიკურ თანამდებობაზე ყოფნისას, და მე ამას ვაპირებ."
კონტექსტი: ნიკა გვარამიამ პოლიტიკაში მოსვლის შესახებ განაცხადა გასული წლის დეკემბერში. ის აპირებს, მონაწილეობა მიიღოს 2024 წლის საპარლამენტო არჩევნებში.
- ცნობილია გვარამიას მიზანი — სურს, რომ მის მიერ დაფუძნებული პოლიტიკური ჯგუფის ირგვლივ გააერთიანოს რამდენიმე პროდასავლური პოლიტიკური პარტია.
- ამ მიზნით, ის ოპოზიციონერებთან შეხვედრებსაც მართავდა, თუმცა ვისთან ერთად იბრძოლებს 2024 წლის საპარლამენტო არჩევნებში, ამის შესახებ ჯერ დადასტურებულად არ განუცხადებია.
ბოლო ხაზი: On.ge-ს კითხვაზე, როდის გაიმართება მისი ახალი პოლიტიკური პლატფორმის პრეზენტაცია, ამბობს, რომ ზუსტი თარიღი მომავალ კვირაში გაირკვევა.
-
-
გადახედვა
-
გადახედვა
-
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
-
გადახედვა
-
გადახედვა
-
-
-
კომენტარები