მოკლედ: ფინანსთა სამინისტროს საგამოძიებო სამსახურის ინფორმაციით, ყალბი ფულის გასაღების ორ ფაქტზე სამი პირი დააკავეს.

დეტალები: გამოძიებით დადგინდა, რომ

  • ერთ შემთხვევაში ბრალდებულმა, უკანონო მატერიალური სარგებლის მიღების მიზნით, თბილისში გაასაღა ჯამში, 19 000 აშშ დოლარის ოდენობის ყალბი 100-დოლარიანი კუპიურა.
  • მეორე შემთხვევაში კი — ბათუმში, სხვადასხვა ობიექტზე, ბრალდებულმა გაასაღა 4 ცალი 100-ლარიანი და 1 ცალი 50 ლარიანი ყალბი კუპიურა.
  • საგამოძიებო სამსახურის მიხედვით, აღნიშნული ყალბი კუპიურები სრულად ამოიღეს.

ბოლო ხაზი: გამოძიება გრძელდება საქართველოს სისხლის სამართლის კოდექსის 212-ე მუხლის პირველი და მეორე ნაწილებით, რაც სასჯელის სახით ითვალისწინებს თავისუფლების აღკვეთას 7-დან 10 წლამდე ვადით.