ბავშვობაში ალბათ ყველასთვის უკითხავთ, როცა გაიზრდები, ვინ უნდა გამოხვიდეო. ჩვენც ვფიქრობთ, რისი კეთება გვსიამოვნებს ყველაზე მეტად. საოცნებო სამსახური ყველასთვის განსხვავებული შეიძლება იყოს. თუმცა, რასაც არ უნდა ვაკეთებდეთ, ერთი რამ ცხადია — სამუშაო გარემო უდიდეს გავლენას ახდენს თითოეულ თანამშრომელზე და შესაბამისად, კომპანიის წარმატებასა თუ წარუმატებლობაზე.

თიბისი, რომელიც უკვე 32 წელია დამოუკიდებელ საქართველოსთან ერთად ვითარდება, მუდმივად ცდილობს, თანამშრომლებს ჯანსაღი სამუშაო პირობები და განვითარების უსაზღვრო შესაძლებლობები შესთავაზოს. აქ იციან, რა სჭირდება ადამიანს იმისთვის, რომ თავი კომფორტულად იგრძნოს და თავისი საქმე სიყვარულითა და ენთუზიაზმით აკეთოს.

თიბისიში მუშაობის გამოცდილებას თავად კომპანიის გუნდის წევრები გვიზიარებენ.

შორენა წურწუმია, რომელიც პერსონალური საბანკო მომსახურების კოორდინატორია, ყველაზე მეტად იმ ღირებულებებს აფასებს, რასაც კომპანიის საქმიანობა ემყარება.

"თიბისისთვის მთავარი ღირებულებები ადამიანური დამოკიდებულება, გულწრფელობა, სიკეთე და სიყვარულია", — ამბობს ის.

მსგავსი სამუშაო პირობები თანამშრომლებს აძლევს საშუალებას, არ იყვნენ დაძაბულები მუშაობის პროცესში და სიყვარულით აკეთონ თავიანთი საქმე. ამას აღნიშნავს თიბისის სოციალური მედიის კომუნიკაციების მენეჯერი, ელენე გამისონიაც:

"თიბისი ჩემთვის მეორე ოჯახია, რომელმაც მომხმარებელზე ზრუნვა მასწავლა. ეს კი ნებისმიერი თიბისელის პრიორიტეტია."

თიბისიში მუშაობის გამოცდილებას გვიზიარებს პროდუქტის დიზაინერი, ია ხარაბაძეც. ის, რაც თავის სამსახურში ყველაზე მეტად მოსწონს, ინოვაციურობა, სიახლეებისადმი ღიაობა და კარიერული ზრდის შესაძლებლობებია. ასეთია, მაგალითად, თიბისი აკადემია, რომელიც თანამშრომლებს სთავაზობს სასწავლო კურსებს საინფორმაციო ტექნოლოგიების, ბიზნესის და სხვა მსგავსი მიმართულებების შესახებ.

"თიბისი სწავლისა და განვითარების მუდმივ შესაძლებლობას მაძლევს. აქ აფასებენ ინოვაციებს, თანამშრომლობასა და პროფესიულ წინსვლას", — აღნიშნავს ია ხარაბაძე.

თიბისიში არსებულ მოსახერხებელ და კომფორტულ სამუშაო გარემოზე საუბრობს თიბისის მონაცემთა ანალიტიკოსი, ლუკა მირიანაშვილიც:

"თიბისელობა ნიშნავს ერთი დიდი გუნდის წევრობას, სადაც განვითარებისა და სიახლეების აღმოჩენის უსაზღვრო შესაძლებლობა გაქვს", — ამბობს ის.

თიბისი, რომლისთვისაც თანამშრომლებზე ზრუნვა და მათი მხარდაჭერა მნიშვნელოვანია, მათ პიროვნული და კარიერული განვითარების არაერთ შესაძლებლობას სთავაზობს: გარდა ჯანმრთელობის სტანდარტული დაზღვევისა, თიბისელებს აქვთ სიცოცხლისა და კრიტიკული დაავადებების დაზღვევაც. მენტალური ჯანმრთელობის პროგრამის ფარგლებში, თიბისიში დასაქმებულები სარგებლობენ ფსიქოლოგთან ვიზიტით, გასვლითი ვარჯიშებით, თერაპიული ვორქშოპებით, სპეციალური ფასდაკლებებით, სხვადასხვა პროფესიული გამოცდილების მიღების შესაძლებლობით, სპორტული აქტივობებითა თუ გასართობი შეხვედრებით.

თუ გინდა შენც იყო ისეთი გუნდის წევრი, სადაც იქნება ჯანსაღი ურთიერთობები, მრავალფეროვანი და საინტერესო გარემო და განვითარების არაერთი შესაძლებლობა, მაშინ გაგიმართლა — თიბისის გუნდი ახალ წევრებს ეძებს.

შეუერთდი თიბისის და გახდი დიდი ცვლილებების მონაწილე — გახდი თიბისელი.