მოკლედ: კულტურული მემკვიდრეობის ძეგლებზე QR კოდები განთავსდა, რომელიც დაინტერესებულ პირებს ძეგლის შესახებ ინფორმაციას ქართულ და ინგლისურ ენაზე მიაწვდის.

  • ამის შესახებ თბილისის მერმა კახა კალაძემ დღეს, 21 თებერვალს, დედაქალაქის მთავრობის სხდომაზე განაცხადა.

დეტალები: მერიის პრესსამსახურის მიხედვით, თბილისის მერიამ, პროექტი SCANTBILISI — დაასკანერე თბილისი, სილქნეთისა და SOLARTIA GROUP-ის პარტნიორობით განახორციელა და ჯამში ერთი წელია ამ პროექტზე მუშაობენ.

  • QR-კოდი, ჯამში, კულტურული მემკვიდრეობის 187 ძეგლზე განთავსდა.
  • შექმნილია სპეციალური ვებგვერდი www.scantbilisi.ge, რომელიც, მერიის თქმით, ჯერჯერობით სატესტო რეჟიმში მუშაობს და განთავსებულია თბილისში მდებარე ისტორიული ძეგლების სრული ჩამონათვალია განთავსებული და დეტალური აღწერა.
  • "ვამაყობთ, რომ დედაქალაქში ძალიან ბევრი კულტურული მემკვიდრეობის ძეგლი გვაქვს. თბილისის განვითარების ფონდთან გვაქვს შესაბამისი პროგრამები, რომელიც კულტურული მემკვიდრეობის ძეგლების რეაბილიტაციას და განახლებას ემსახურება. არაერთი მნიშვნელოვანი პროექტი განხორციელდა ამ მიმართულებით. ჩვენ, რა თქმა უნდა, გავაგრძელებთ ძეგლების შენარჩუნებას, განახლებას და რეაბილიტაციას", — თქვა კახა კალაძემ.