ქართველი მსახიობი ხათუნა კოტრიკაძე 68 წლის ასაკში გარდაიცვალა. ამის შესახებ ინფორმაცია სოციალურ ქსელ Facebook-ზე გავრცელდა.

"ქართული კინოს მშვენება, ჩემი მეგობრის დედა და ბავშვობიდან ჩემთვის უსაყვარლესი ხათუნა კოტრიკაძე გარდაიცვალა. გამოსვენება კვირას, წინამძღვრიშვილის 112", — წერს სოციალურ ქსელში ეკა ხერხეულიძე.

ხათუნა კოტრიკაძემ პირველი როლი ფილმში მეთხუთმეტე გაზაფხული ითამაშა. მსახიობს განსაკუთრებული პოპულარობა ფილმებში მხიარული რომანი და მოიტაცეს თამარ ქალი მთავარი როლების შესრულებამ მოუტანა. აღსანიშნავია, რომ ხათუნა კოტრიკაძემ სამსახიობო კარიერა ადრეულ ასაკში დაასრულა.