მოკლედ: თბილისის მერის კახა კალაძის თქმით, გიორგი ხანიაშვილის ქანდაკების დროის ნაწნავი გარშემო საზოგადოების დისკუსია და ინტერესი მისასალმებელია, რადგან "მსგავსი დისკუსია ხელოვნების განუყოფელი ნაწილია". ამის შესახებ თბილისის მთავრობის დღევანდელ სხდომაზე ისაუბრა.

დეტალები: კალაძე ამბობს, რომ საჯარო სივრცეებში არტისტების ნამუშევრები დროებით იფინება, რაც ხელოვანების საქმიანობას უწყობს ხელს.

  • "მინდა, გამოვეხმაურო ზაარბრიუკენის მოედანზე დროებით განთავსებული ქანდაკების საკითხს. თბილისის საჯარო ხელოვნების ფონდი, მერიის ახლად დაფუძნებული სტრუქტურაა, რომლის მიზანია, ხელი შეუწყოს თანამედროვე ხელოვნების განვითარებას და უფრო ხელმისაწვდომი გახადოს ის ჩვენი თანამოქალაქეებისთვის.
  • სპეციალისტებისგან შემდგარი კომისია იღებს გადაწყვეტილებას, რომელ ლოკაციაზე კონკურსში მონაწილე რომელი არტისტის დროებითი ინსტალაციის განთავსებაა მიზანშეწონილი. შედეგად, უკვე არაერთი საინტერესო ნამუშევარი განთავსდა ქალაქის სხვადასხვა უბანში", — თქვა კალაძემ.

კონტექსტი: 9 თებერვალს თბილისში, ზაარბრიუკენის მოედანზე ახალი ქანდაკება, გიორგი ხანიაშვილის დროის ნაწნავები დაიდგა.

  • ქანდაკება მოედანზე მომდევნო წლისა ხუთი თვის წლის იქნება განთავსებული.
  • "გიორგი ხანიაშვილის დროის ნაწნავები წარმოადგენს სამ მეტრამდე სიმაღლის ყვითელი ტუფის ქვაში გამოთლილ მონოლითურ ქანდაკებას. ქანდაკება გამოსახავს ქალის ფიგურას, რომელსაც თმები ტანზე აქვს შემოხვეული. ქალის სხეული მასზე დახვეული თმებითაა შეფუთული და ფეხებისკენ თმები ფესვების ფორმას იღებს", — განაცხადა ფონდმა ქანდაკების თაობაზე.
  • ქანდაკება თბილისის საჯარო ხელოვნების ფონდის კონკურსის გამარჯვებულია, სახელწოდებით — "საჯარო სივრცეში მუდმივი პროექტების ხელშეწყობა, ქალაქი თბილისი, ზაარბრიუკენის მოედანი".