მოკლედ: დასავლური მედიასაშუალებების ინფორმაციით, უკრაინის პრეზიდენტმა ვოლოდიმირ ზელენსკიმ ვაშინგტონს აცნობა, რომ თანამდებობიდან გაათავისუფლებს უკრაინის შეიარაღებული ძალების მეთაურს ვალერი ზალუჟნის.

დეტალები: ზალუჟნის თანამდებობიდან გათავისუფლების შესახებ ხმები, ბოლო პერიოდში, ხშირად ვრცელდება და ეს, სავარაუდოდ, დაკავშირებულია პრეზიდენტსა და შეიარაღებული ძალების მეთაურს შორის დაპირისპირებასთან.

  • ვაშინგტონს კომენტარი არ გაუკეთებია და თქვა, რომ ეს უკრაინის საქმეა.

რა ვითარებაა ბოლო დღეების განმავლობაში უკრაინაში: პარასკევს ღამით საჰაერო სირენები ისმოდა მთელ სამხრეთ-აღმოსავლეთ უკრაინაში. ქალაქების კრივი-რიჰის, ხერსონის, დნიპროსა და ოდესისკენ რუსებმა დრონები გაუშვეს.

  • გამოცემა Kyiv Independent კრივი-რიჰზე შეტევის შესახებ იტყობინებოდა.
  • რუსულ სოციალურ მედიაში გავრცელებული ინფორმაციით კი რამდენიმე აფეთქება მოხდა რუსეთში, ვორონეჟში.
  • გუბერნატორის, ალექსანდერ გუსევის მტკიცებით, დრონი ჩამოაგდეს. შემთხვევას მსხვერპლი არ მოჰყოლია.
  • უკრაინის მედიასაშუალებებმა გაავრცელეს ვიდეო, სადაც, მათი განმარტებით, ჩანს ვოლგოგრადში, ლუკოილის ქარხანაზე დრონით თავდასხმა.