მოკლედ: ნატა ფერაძე სააპელაციო სასამართლოში გაასაჩივრებს თბილისის საქალაქო სასამართლოს გადაწყვეტილებას. ამის შესახებ მან ფეისბუქ ლაივში ისაუბრა, ვიდრე მას საპატიმროში გადაიყვანდნენ.

დეტალები: დღეს, 2 თებერვალს მოსამართლე ნინო შჩერბაკოვმა ნატა ფერაძეს ადმინისტრაციული სასჯელი 5-დღიანი პატიმრობა შეუფარდა.

  • გადაწყვეტილებისთანავე, ნატა ფერაძე სამართალდამცავებმა მის საცხოვრებელ ბინაში დააკავეს.
  • საქართველოს ახალგაზრდა იურისტთა ასოციაციამ (საია), რომელიც ფერაძის უფლებებს იცავს, On.ge-ს განუმარტა, რომ ნატა ფერაძე ადმინისტრაციულ სამართალდარღვევათა კოდექსის 1662-ე მუხლით დააკავეს, რაც 5-დღიან პატიმრობას გულისხმობს.

საგულისხმოა, რომ ეს მუხლი, ასევე ითვალისწინებს პირის დაჯარიმებას 500 ლარის ოდენობით, თუმცა, სასამართლომ ფერაძის დაპატიმრების გადაწყვეტილება მიიღო.

რას გულისხმობს 1662-ე მუხლი: მოედანზე, გზაზე, პარკში, სკვერში, მიწისქვეშა გადასასვლელში განთავსებული ინფრასტრუქტურის/ინვენტარის, საზოგადოებრივი სარგებლობისთვის განკუთვნილი სხვა ობიექტის, მათ შორის, საგზაო ნიშნის, შუქნიშნის, გარესამეთვალყურეო კამერის, განზრახ დაზიანება ან განადგურება, საზოგადოებრივი ტრანსპორტის განზრახ დაზიანება, ან საზოგადოებრივ ტრანსპორტში არსებული ინვენტარის განზრახ დაზიანება, ან განადგურება.

გაიგე მეტი: როცა ნატა ფერაძეზე ვსაუბრობთ, ნიშნავს, ვსაუბრობთ სიტყვისა და გამოხატვის თავისუფლებაზე. აი, რატომ