მოკლედ: თბილისის რესპუბლიკური საავადმყოფოს თანამშრომლებისთვის, საკომპენსაციო პაკეტზე საკუთარი პოზიციის დაფიქსირებისა და არჩევანის გასაკეთებლად, დრო, 5 თებერვლის ნაცვლად, 5 მარტამდე განისაზღვრა.

  • მთავრობამ საკომპენსაციო პაკეტი შემოიღო მას შემდეგ, რაც საავადმყოფოს შენობის დანგრევასა და მის ბაზაზე ახალი საავადმყოფოს აშენების შესახებ განაცხადა.

შეთავაზებების პაკეტის მიხედვით,

  • ნებისმიერი თანამშრომელი, რომელიც მხოლოდ რესპუბლიკურ საავადმყოფოშია დასაქმებული, კომპენსაციის სახით, ერთჯერადად, 12 თვის ხელფასით იქნება უზრუნველყოფილი;
  • თუ კლინიკის თანამშრომელი სხვა დაწესებულებაშიც მუშაობს, კომპენსაციის სახით, 4 თვის ხელფასს მიიღებს;
  • სამედიცინო პერსონალი, რომელიც 12-თვიან კომპენსაციაზე უარს განაცხადებს, ჯანდაცვის სამინისტრო, სხვა სამედიცინო კლინიკაში, იმავე პოზიციაზე დასაქმებასა და 4 თვის ხელფასის ოდენობით კომპენსაციას შესთავაზებს;
  • სამედიცინო პერსონალი, რომელიც არ მუშაობს სხვა დაწესებულებაში და სამინისტრო, ალტერნატიულ სამსახურს ვერ შესთავაზებს, უწყება, 3 წლის განმავლობაში, დასაქმებამდე, ყოველთვიურ სახელფასო ანაზღაურებას გადაუხდის.

მსგავსი: რესპუბლიკურის მედპერსონალი პროტესტს აანონსებს, ხელისუფლებას კი მათთან შეთავაზებები აქვს — რა ხდება

ბოლო ხაზი: 2024 წლის 24 იანვარს, ირაკლი ღარიბაშვილმა მთავრობის სხდომაზე განაცხადა, რომ დაინგრევა რესპუბლიკური საავადმყოფოს შენობა და მის ბაზაზე ახალი საავადმყოფო აშენდება.

  • ჯანდაცვის მინისტრის, ზურაბ აზარაშვილის თქმით, პროექტის ბიუჯეტი, დაახლოებით, 200 მილიონი ლარი იქნება

გაიგე მეტი: რას უპირებს მთავრობა რესპუბლიკურ საავადმყოფოს — დეტალები

გაიგე მეტი: რა დაჯდება რესპუბლიკურის რეაბილიტაცია და რას სთავაზობს მთავრობა მედპერსონალს მშენებლობის დასრულებამდე