რას უპირებს მთავრობა რესპუბლიკურ საავადმყოფოს — დეტალები
![](http://chandler.on.ge/2024/01/22/unnamed.jpg)
მოკლედ: პრემიერ-მინისტრმა, ირაკლი ღარიბაშვილმა დღეს გამართულ მთავრობის სხდომაზე განაცხადა, რომ დაინგრევა რესპუბლიკური საავადმყოფოს შენობა და მის ბაზაზე ახალი საავადმყოფო აშენდება.
დეტალები: ღარიბაშვილის მტკიცებით, საავადმყოფოს მდგომარეობა შეისწავლეს ფინანსური და ინფრასტრუქტურული კუთხით.
- ასევე, განიხილეს, თუ რამდენად პასუხობს კლინიკა უსაფრთხოების ნორმებს და საერთაშორისო მოთხოვნებს.
- როგორც მთავრობის სხდომაზე აღნიშნა ღარიბაშვილმა, სპეციალისტების დასკვნით, შენობის რეკონსტრუქცია, ფაქტობრივად, შეუძლებელი და არარენტაბელურია.
- ჯანდაცვის მინისტრის, ზურაბ აზარაშვილის თქმით, პროექტის ბიუჯეტი, დაახლოებით, 200 მილიონი ლარი იქნება.
როგორი იქნება ახალი საავადმყოფო — მთავრობის დაპირება:
- კლინიკა 500-ზე მეტ საწოლზე იქნება გათვლილი.
- მოეწყობა ამბულატორია და 100-ზე მეტ საწოლზე გათვლილი დღის სტაციონარი.
- კლინიკაში განთავსდება ბავშვთა ონკო-ჰემატოლოგიური ცენტრი.
- გაიხსნება თანამედროვე სტანდარტების ცენტრალური სისხლის ბანკი.
- საავადმყოფოს ტერიტორიაზე მოეწყობა აფთიაქები, სასწავლო სივრცეები, სამედიცინო ბიბლიოთეკა, ტელემედიცინის სივრცეები და სხვა.
- ღარიბაშვილი, ასევე, აღნიშნავს, რომ სრულიად იქნება დაცული კლინიკაში დასაქმებული სამედიცინო პერსონალის უფლებები.
კონტექსტი: ეს არ არის პირველი შემთხვევა, როცა მთავრობა რესპუბლიკური საავადმყოფოს რეაბილიტაციაზე საუბრობს. ჯერ კიდევ 2023 წლის მარტში ითქვა, რომ რესპუბლიკური საავადმყოფო დაინგრეოდა, მისი შემდგომი რეაბილიტაციის მიზნით.
- ამას, 2023 წლის მარტში, რესპუბლიკურის თანამშრომლების მოთხოვნა მოჰყვა, არ შეცვლილიყო კლინიკის ადგილმდებარეობა: "გვინდა შეგახსენოთ, რომ რესპუბლიკური საავადმყოფო ყოველთვის იყო და არის ქვეყნის წინაშე მდგარი გამოწვევების მიმღები მნიშვნელოვანი სტრატეგიული ცენტრი. ამის დასტურია 9 აპრილი, თბილისის სამოქალაქო, აფხაზეთის და აგვისტოს ომები. მარტო ის გარემოება რად ღირს, რომ კოვიდ პანდემიის დროს კლინიკამ ფორსმაჟორულ რეჟიმში გაატარა 20 000 პაციენტი", — აცხადებდნენ კლინიკაში.
- ასევე, თანამშრომლები ამბობდნენ, რომ ჯანდაცვის მინისტრმა შენობის ნგრევის შესახებ გადაწყვეტილება მათთვის სრულიად მოულოდნელად, ახალი მდებარეობისა და კონცეფციის გაურკვევლად დააანონსა და ეს დროში საეჭვოდ დაემთხვა მედპერსონალის დისკრედიტაციის მცდელობას.
არქივიდან: რესპუბლიკურის თანამშრომლები ითხოვენ, არ შეიცვალოს კლინიკის ადგილმდებარეობა
არქივიდან: რა მოთხოვნები აქვთ რესპუბლიკური საავადმყოფოს თანამშრომლებს — მოკლედ
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები