აჭარის ავტონომიური რესპუბლიკის შრომის, ჯანმრთელობისა და სოციალური დაცვის მინისტრმა, ზაალ მიქელაძემ, პოსტსკრიპტუმის ეთერში განაცხადა, რომ დღეს თურქეთში მომხდარი ავარიისას დაშავებული ქართული ანსამბლის წევრები რამდენიმე საათში საქართველოში გამოემგზავრებიან:

"ბავშვების მდგომარეობა სტაბილურია, პრაქტიკულად ყველა მათგანი გამოწერილია კლინიკიდან, არცერთია მძიმედ დაშავებული, თუმცა აქვთ ჭრილობები, რომლებიც დაუმუშავდათ, ჩაუტარდათ ამბოლატორიული გამოკვლევები, აქვთ მგზავრობასთან დაკავშირებული რეკომენდაციები. შეიკრიბებიან ტრაპზონში და სულ ცოტა ხანში ჩვენი ტრანსპორტით გადმოვიყვანთ საქართველოში".

ზაალ მიქელაძის თქმით, ანსამბლის წევრებთან ერთად იქნება აჭარის მთავრობის თავმჯდომარეც. მინისტრის თქმით, ამ დროისთვის 4 პირის მდგომარეობა კვლავ მძიმეა, მათ შორის არიან ანსამბლის ოპერატორი და მძღოლი, რომლებსაც ოპერაციის ჩატარება ესაჭიროებათ.

დღეს ქართული საბავშო ანსამბლ ლამპარის წევრები თურქეთში, ტრაპიზონთან 120 კილომეტრში, ავარიაში მოყვა. ავტობუსი გზიდან გადავიდა, ბოძს შეეჯახა და ამოყირავდა.

ავტობუსში 9-დან 13 წლამდე ასაკის მოზარდები იმყოფებოდნენ და ისინი ბულგარეთში, გასტროლებზე, მიდიოდნენ. ავარიას მსხვერპლი არ მოყოლია.