მოკლედ: აღსრულების ეროვნულ ბიუროში დაადასტურეს ინფორმაცია, რომ კაკიაშვილების ოჯახის გამოსახლება გადაიდო.

  • თბილისში, ცოტნე დადიანის ქუჩაზე აღსრულების პოლიციას, ოჯახი და მათი მხარდამჭერები დღეს 11 საათისთვის ელოდენ.

დეტალები: On.ge-ს აღსრულების ეროვნულ ბიუროში განუცხადეს, რომ რადგანაც ოჯახი სოციალურად დაუცველია და ჰყავთ არასრულწლოვანი შვილები, გამოსახლების პროცესი გადავადდა.

  • მათი თქმით, მარიამ კაკიაშვილს მისცემენ საშუალებას, მოლაპარაკება აწარმოოს კრედიტორთან და ამ პროცესში თავადაც ჩაერთვებიან.
  • უწყებაში არ ამბობენ, რა პერიოდით გადავადდა აღსრულება, თუმცა განმარტავენ, რომ კანონის შესაბამისად, ეს ვადა არ უნდა აღემატებოდეს 6 თვეს.

ბოლო ხაზი: მარიამ კაკიაშვილი 2 მცირეწლოვან შვილთან ერთად ცოტნე დადიანის ქუჩა N259-ში ცხოვრობს.

  • ის აგვისტოს ომის ვეტერანია.
  • კაკიაშვილის თქმით, მზად არის თანხა გადაიხადოს, თუმცა — გონივრულ ვადაში.
  • აღსრულების ეროვნულმა ბიურომ გუშინ გამოასახლა ხატიაშვილების ოჯახი, კეკელიძეზე მდებარე ბინიდან, 26 იანვარს კი — ბალახაძეების ოჯახის გამოსახლება და ამის პარალელურად, მოქალაქეთა ჯგუფის აქცია იგეგმება.