მოკლედ: თბილისში,ცოტნე დადიანის N259-თან, კაკიაშვილების ოჯახის გამოსახლების პროცესისთვის ხელის შესაშლელად, მოქალაქეები არიან შეკრებილი.

  • გამოსახლება 11 საათზე იყო დაგეგმილი, თუმცა აღსრულების ბიუროს თანამშრომლები იქ, ამ დრომდე არ მისულან.

ფოტო: მარიამ მერლანი / On.ge

დეტალები: აქციის მონაწილეებს შორის ვრცელდება ინფორმაცია, რომ გამოსახლების იძულებითი ღონისძიება, შესაძლოა, გადაიდო, თუმცა ამბობენ, რომ დაშლას არ აპირებენ, ვიდრე ამას აღსრულების ბიურო ოფიციალურად არ დაადასტურებს.

  • კაკიაშვილების მხარდასაჭერად, მათ სახლთან მივიდა მარინა ხატიაშვილიც, რომელიც, ოჯახთან ერთად, კეკელიძის ქუჩიდან გუშინ გამოასახლეს.
მარინა ხატიაშვილი

მარინა ხატიაშვილი

ფოტო: მარიამ მერლანი / On.ge

რა ვიცით კაკიაშვილების ოჯახზე: ბინაში სამი ადამიანი ცხოვრობს, მარიამ კაკიაშვილი, რომელიც აგვისტოს ომის ვეტერანია და მისი 2 არასრულწლოვანი შვილი.

  • სოციალური სამართლიანობის ცენტრის ინფორმაციით, კაკიაშვილების ოჯახს მევახშეებმა ორი ბინა წაართვეს და ამჯერად მათი უკანასკნელი თავშესაფრიდან (მიშენებიდან) გამოსახლებას აპირებენ.
  • მარიამ კაკიაშვილი ამბობს, რომ თანახმაა ვალი დაფაროს, თუმცა ამისთვის გონივრული ვადა სჭირდება.

ბოლო ხაზი: ხატიაშვილების და კაკიაშვილების გარდა, აღსრულების ბიურო პარასკევს, 26 იანვარს ბალახაძეების ოჯახის გამოსახლებასაც გეგმავს.

  • პარალელურად, დაანონსდა მათი მხარდასაჭერი აქციაც.