ნეტფლიქსის ახალი სერიალი Ripley ფსიქოპათ ტომ რიპლის პერსონაჟზე იქნება, მის როლს კი ცნობილი მსახიობი ენდრიუ სკოტი მოირგებს. პატრიცია ჰაისმითის წიგნის ადაპტაციაში რიპლი დაქირავებული მკვლელია, რომელიც 1960-იანი წლების ნიუ-იორკში ცხოვრობს. შოუს მოქმედება იტალიაში ვითარდება. ადაპტაციის პირველი ტრეილერი ნეტფლიქსმა ცოტა ხნის წინ გაავრცელა.

ენდრიუ სკოტი სერიალის პროდიუსერიცაა, ხოლო რეჟისორი და სცენარისტი სტივენ ზეილიანი იქნება, რომელმაც რამდენიმე წლის წინ მარტინ სკორსეზეს ფილმ Irishman-ზე იმუშავა.

სკოტთან ერთად, სერიალში დაკოტა ფენინგსა და ჯონი ფლინსაც ვიხილავთ. შოუს კიდევ ერთი სახასიათო დეტალი ისაა, რომ სერიალი შავ-თეთრი იქნება, რაც 60-იანი წლების ატმოსფეროს ქმნის.

ეს რიპლის სერიის წიგნების პირველი ადაპტაცია არაა. 1999 წელს ამავე სახელწოდების ნაწარმოების მიხედვით, ოსკარის ნომინანტი ფილმი The Talented Mr. Ripley გამოვიდა, რომელშიც მთავარ როლს მეთ დეიმონი ასრულებდა. ნეტფლიქსის სერიალსაც ასეთივე წარმატებას უწინასწარმეტყველებენ.

შოუს პრემიერა 4 აპრილს შედგება. ნახეთ ტრეილერი:

იხილეთ ასევე: