მოკლედ: იემენელი ჰუსიტები წითელ ზღვაში ბერძნულ სატვირთო გემს დაესხნენ თავს, გემზე იმყოფებოდა საქართველოს მოქალაქეც.

დეტალები: მალტის დროშის ქვეშ მცურავი ბერძნული სატვირთო გემი ვიეტნამიდან ისრაელისკენ მიემართებოდა.

  • მასზე იმყოფებოდა 24 ადამიანი, მათ შორის — საქართველოს ერთი, ფილიპინების სამი და და უკრაინის ოცი მოქალაქე.
  • საერთაშორისო მედიის ინფორმაციით, არცერთი მათგანი არ დაშავებულა.

On.ge-მ სცადა საქართველოს მოქალაქის მდგომარეობის შესახებ ინფორმაცია მიეღო საქართველოს საზღვაო ტრანსპორტის სააგენტოსგან, რომელიც ეკონომიკის სამინისტროს დაქვემდებარებაშია, თუმცა მათგან პასუხს ამ დრომდე ველოდებით.

ინფორმაცია არ აქვთ არც საგარეო საქმეთა სამინისტროში.

ბოლო ხაზი: ჰუსიტები, რომლებიც აკონტროლებენ იემენის დიდ ნაწილს, აცხადებენ, რომ მათი თავდასხმები გემებზე ღაზის მხარდაჭერას ითვალისწინებს.

  • მათი მტკიცებით, გემები, რომელსაც ისინი თავს ესხმიან, ისრაელთან არის კავშირში.