დეტალები: დანიის ელჩი საქართველოში, ანე ტოფტ სორენსენი საგარეო საქმეთა სამინისტროში დაიბარეს.

  • ეს მას შემდეგ მოხდა, რაც ელჩმა დანიურ გამოცემაში გამოქვეყნებულ ოპედში ივანიშვილი ოლიგარქად მოიხსენია.
  • უწყებაში ამბობენ, რომ ანე ტოფტ სორენსენმა სამინისტრო უკვე დატოვა.

რა ხდება: დანიის ელჩმა საქართველოში, ანე ტოფტ სორენსენმა გამოაქვეყნა ოპედი, სადაც საუბრობს საქართველოს ევროპულ მისწრაფებებზე.

  • ამავე ოპედში ის ბიძინა ივანიშვილს ოლიგარქად მოიხსენიებს.
  • ელჩი აღნიშნავს, რომ მმართველი პარტია ქართული ოცნების დამფუძნებელმა ქონება 1990-იან წლებში, რუსეთში დააგროვა.

გარდა ამისა, ანა სორენსენი საუბრობს ქვეყნის შიგნით არსებულ მდგომარეობაზეც.

  • მისი შეფასებით, ბოლო წლების განმავლობაში რეფორმები შენელებულია. მთავრობასა და ოპოზიციას შორის უთანხმოება კი იზრდება.

ნახეთ: დანიის ელჩმა ბიძინა ივანიშვილს ოლიგარქი უწოდა