2024-ის ეკრანიზაციები და წიგნები, რომელთა წაკითხვაც აღარ უნდა გადადო
2024 წელს ბევრი ისეთი ფილმი თუ სერიალი გამოდის, რომელსაც უკვე ძალიან დიდი ხანია, ველოდებით. მათი ნაწილი ჩვენთვის კარგად ნაცნობი და საყვარელი წიგნების ეკრანიზაციაა, რაც კიდევ უფრო გვიმძაფრებს მოლოდინსაც და ნერვიულობასაც; ნეტავ საერთოდ თუ ღირდა ლოდინადო, ვფიქრობთ და ინტერნეტ ფორუმებზე დავეხეტებით ერთი-ორი სიტყვით მეტის გასაგებად. ალბათ მაინც ჯობს, მშვიდად დავუცადოთ პრემიერებს. ხოლო თუ რომელიმე მომავალი ეკრანიზაციის პირველწყარო წიგნი ჯერ არ წაგიკითხავს, ეგ საქმე აღარ გადადო.
მაშ ასე, აი, რომელ ეკრანიზაციებს და როდის ველოდებით 2024-ში:
1. ყველაფერი მთავრდება ჩვენით
2024 წლის ერთ-ერთი მთავარი კინომოვლენა კოლინ ჰუვერის ბესტსელერად ქცეული რომანის ეკრანიზაცია შეიძლება გახდეს. ფილმში ყველაფერი მთავრდება ჩვენით ბლეიკ ლაივლი და ჯასტინ ბალდონი ასრულებენ მთავარ როლებს. ეკრანიზაციის რეჟისორი ასევე ბალდონია. სხვათა შორის, მსახიობების დამტკიცებას ამ როლებზე წიგნის ფანების მხრიდან კრიტიკა მოჰყვა, რასაც მოგვიანებით ჰუვერიც გამოეხმაურა.
2016 წელს გამოცემული ყველაფერი მთავრდება ჩვენით ბოლო წლების ერთ-ერთი ყველაზე პოპულარული წიგნია, რომელიც მსოფლიოში მრავალმილიონიანი ტირაჟით იყიდება. ნაწარმოების მთავარი გმირი ახალგაზრდა ლილი ბლუმია, რომელიც საცხოვრებლად ბოსტონში გადადის და საკუთარ მცირე ბიზნესს იწყებს. ლილის გრძნობები უჩნდება ნეიროქირურგ რაილ კინქეიდის მიმართ, რომელიც თავდაპირველად სერიოზულ ურთიერთობას გაურბის. წიგნი, რომელიც, ჰუვერის თქმით, მისი მშობლების ისტორიას ეფუძნება, ისეთ საკითხებს შეეხება, როგორიცაა ეჭვიანობა ურთიერთობაში, ძალადობა და მისი კვალი მომავალ თაობაზე.
ყველაფერი მთავრდება ჩვენით ქართულად პალიტრა L-მა გამოსცა, რომანის მთარგმნელი ნათია ჩუბინიძეა. რაც შეეხება ეკრანიზაციას, ფილმის პრემიერა აშშ-ში 9 თებერვალსაა დაგეგმილი.
2. ფრანკენშტაინი
ფილმი, სახელწოდებით ლიზა ფრანკენშტაინი, რეალურად მერი შელის კლასიკად ქცეული რომანის პირდაპირი ეკრანიზაცია არ გახლავთ. აქ მოქმედება 1980-იან წლებში ვითარდება თინეიჯერი გოთი გოგოს გარშემო, რომელიც ვიქტორიანულ ეპოქაში გარდაცვლილი ადამიანის გვამს გააცოცხლებს და მისი ოცნების კაცად ქცევას შეეცდება.
კომედიისა და ჰორორის ნაზავი, რომლის რეჟისორი ზელდა უილიამსია, სცენარისტი კი — ოსკაროსანი დიაბლო ქოუდი, მომხიბვლელი ურჩხულის არქეტიპს აცოცხლებს და მას ახლებური ინტერპრეტაციით წარმოგვიდგენს.
მერი შელის ფრანკენშტაინს კი სულაც არ სჭირდება განსაკუთრებული წარდგენა, ეს ნაწარმოები ხომ უკვე ორ საუკუნეზე მეტია, ჟანრის კლასიკად მიიჩნევა. წიგნმა, რომლის წერაც შელიმ სულ რაღაც 18 წლისამ დაიწყო, გოთიკის, ჰორორისა და სამეცნიერო ფანტასტიკის არაერთ სხვა ავტორზე იქონია გავლენა. ამიტომ სულ არაა გასაკვირი, რომ ამ ამბის მიხედვით უთვალავი ფილმი, სერიალი, სპექტაკლი, კომიქსი, ვიდეოთამაში და მუსიკალური ნაწარმოებია შექმნილი.
აი, ზელდა უილიამსისეულ ფრანკენშტაინს კი 9 თებერვალს ვიხილავთ.
///
3. დიუნი
რაც უნდა ძნელი დასაჯერებელი იყოს, დენი ვილნევის დიუნის გამოსვლიდან თითქმის სამი წელი გავიდა. ფრენკ ჰერბერტის ამავე სახელწოდების საი-ფაი რომანის ეკრანიზაცია 2021 წლის ერთ-ერთი მთავარი კინომოვლენა გახლდათ. თუმცა, წინ არანაკლებ შთამბეჭდავი და ეპიკური სანახაობა გველოდება — დიუნი 2024 წელს ბრუნდება მეორე ნაწილით, რომელშიც ისევ ვიხილავთ ტიმოთი შალამესა და ზენდეიას.
თავიდანვე, როცა 2017 წელს ვილნევმა პროექტს ხელი მოჰკიდა, დიუნი ორნაწილიან ფილმად იყო ჩაფიქრებული, თუმცა, მეორე ნაწილის ბედი დიდწილად წინამორბედის წარმატებაზე იყო დამოკიდებული. დიუნის გამოსვლას 2021 წელს კი შთამბეჭდავი შედეგი მოჰყვა, როგორც კრიტიკოსების გამოხმაურების თვალსაზრისით, ასევე კომერციულად; ფილმმა მსოფლიოში $400 მილიონზე მეტი გამოიმუშავა.
ნაცნობ სახეებთან ერთად, დიუნის მეორე ნაწილში ახალ ვარსკვლავებსაც ვიხილავთ. მათ შორისაა კრისტოფერ უოლკენი, რომელიც იმპერატორისა და ამბის მთავარი ანტიგმირის როლს მოირგებს. ფილმის ვარსკვლავურ სამსახიობო შემადგენლობაში არიან ოსტინ ბატლერი და ლეა სეიდუც.
ფრენკ ჰერბერტის დიუნი გამომცემლობამ წიგნები ბათუმში დაბეჭდა 2016 წელს. ნაწარმოები ქართულად ნინო ბარძიმიშვილმა თარგმნა. რომანის მიხედვით გადაღებული ფილმის მეორე ნაწილის პრემიერა კი 1-ელ მარტს შედგება.
4. ბრიჯერტონი
2020 წლის მიწურულს ნეტფლიქსზე ბრიჯერტონის პრემიერა შედგა და ამ ფაშფაშა კაბებით, რევერანსებითა და კლასიკური რომანტიკით გაჯერებულმა სერიალმა ერთბაშად გადაგვისროლა მე-19 საუკუნის ინგლისში. ჯულია ქუინის რომანების სერიის მიხედვით შექმნილი სერიალი ნეტფლიქსის ერთ-ერთ ყველაზე წარმატებულ პროექტადაც იქცა და ჯერ მე-2 სეზონის გადაღებები არ იყო დამთავრებული, რომ მას ერთდროულად დაუმტკიცდა მე-3 და მე-4 სეზონები.
წელს კი უკვე ბრიჯერტონის ახალ სეზონს ვიხილავთ. სერიალის პირველი და მეორე სეზონები ქრონოლოგიურად მიჰყვებოდა ქუინის წიგნების სერიას. აი, მე-3 სეზონი კი პირდაპირ საგის მეოთხე წიგნს, Romancing Mister Bridgerton, დაეფუძნება. მისი გადაღებები 2022 წლის ზაფხულში დაიწყო და 2023 წლის მარტში დასრულდა. ამ სეზონზე სცენარისტი ვან დიუსენი ჯესს ბრაუნელმა ჩაანაცვლა.
ბრიჯერტონის საგის პირველი წიგნი, ჰერცოგი და მე, რომელსაც სერიალის პირველი სეზონი ეფუძნება, 2021 წელს გამოსცა ქარჩხაძის გამომცემლობამ. რომანი ქართულად რამაზ ხატიაშვილმა თარგმნა.
რაც შეეხება ბრიჯერტონის მე-3 სეზონს, ის ორ ნაწილად გამოვა; პირველი ნაწილის პრემიერა 16 მაისს შედგება.
///
5. ბეჭდების მბრძანებელი
ტოლკინის მოყვარულებს ნამდვილად საინტერესო წელი ელოდებათ: 2024-ში შედგება Amazon-ის გახმაურებული სერიალის, ძალაუფლების ბეჭდების, მეორე სეზონის პრემიერა. ამასთან ერთად კი, წელსვე ვიხილავთ სრულმეტრაჟიან ანიმაციურ ფილმს ბეჭდების მბრძანებელი: როჰირიმის ომი.
ანიმაციაში მოყოლილი ამბავი 261 წლით უსწრებს წინ ტრილოგიის მეორე ნაწილში, ორი ციხე-კოშკი, განვითარებულ მოვლენებს. ბეჭდების მბრძანებლის ამ ნაწილში ვეცნობით როჰანის სამეფოს, რომელიც ცხენოსნებითაა დასახლებული და ცნობილია უძლეველი როჰირიმის კავალერიით. როჰირიმის ომში კი ისტორია როჰანის ხელმწიფის, ჰელმის, ირგვლივ განვითარდება.
ანიმაციური ფილმის რეჟისორი კენჯი კამიამაა, სცენარი კი ფიბი გიტინსსა და არტი პაპაგეორგიუს ეკუთვნით. აღსანიშნავია, რომ როჰირიმის ომში ჩვენთვის უკვე ნაცნობ პერსონაჟს, როჰანელ ეოვინს, მირანდა ოტო გაახმოვანებს, რომელმაც ეს როლი პიტერ ჯექსონის კინოტრილოგიაში ითამაშა. ანიმაციას მაყურებელი წლის ბოლოსკენ, 13 დეკემბერს, იხილავს.
ქართველი ტოლკინისტებისთვის სასიხარულო იქნება ის ამბავიც, რომ წელს ქართულად გამოდის ლეგენდარული მწერლის უახლესი წიგნი, ნუმენორის დაცემა, რომელიც მეორე ეპოქის შესახებ დაწერილ ტექსტებს აერთიანებს და ავტორის შვილის, ქრისტოფერ ტოლკინის, შედგენილია. გამოცემა ქართულად გიორგი გომართელმა თარგმნა. ბეჭდების მბრძანებლის ტრილოგიის თარგმანი კი ნიკა სამუშიას ეკუთვნის.
///
ბონუსი: გიკი გოგო
ჯერჯერობით ოფიციალურად არ დასტურდება, რომ გიკი გოგოს წიგნების ეკრანიზაციას წელს ვიხილავთ და სწორედ ამ მიზეზით გამოვიტანეთ ის ბონუსად. თუმცა, კინოფილმების მონაცემთა ინტერნეტ-ბაზა IMDb-ის მიხედვით, გიკი გოგოს სერიალს 2024 წელს უნდა ველოდოთ.
ბრიტანელი მწერლის, ჰოლი სმეილის, გიკი გოგო ექვსი წიგნისგან შემდგარი სერიაა, რომელიც 15 წლის ჰარიეტ მანერსის ამბავს გვიყვება. ჰარიეტი სკოლაში გამუდმებული დაცინვისა და ჩაგვრის მსხვერპლია, თუმცა, მისი ცხოვრება იცვლება, როცა მოდელობის შანსი ეძლევა. როგორც ცნობილია, ჰარიეტის ისტორია ნაწილობრივ ავტორისეულ გამოცდილებას ეფუძნება.
სერიის პირველი და სმეილის სადებიუტო რომანი 2013 წელს გამოიცა. მას შემდეგ ის 30-ზე მეტ ენაზე ითარგმნა, მათ შორის, ქართულად. გიკი გოგოს ექვსივე წიგნი პალიტრა L-მა გამოსცა პროექტ ლიბერთინსის ფარგლებში. 2010-იანებში სერია განსაკუთრებული პოპულარობით სარგებლობდა ქართველ მოზარდებში, მისი ყოველი მომდევნო ნაწილის გამოცემას კი რიგები ახლდა წიგნის მაღაზიებთან. აღსანიშნავია, რომ საქართველოს თავად ჰოლი სმეილიც ეწვია 2018 წელს.
გიკი გოგოს მიხედვით 10-ეპიზოდიანი სერიალის გადაღება ნეტფლიქსმა დააანონსა შარშან. როგორც ცნობილია, მისი გადაღებები 2023 წლის ზაფხულში მიმდინარეობდა.
-
გადახედვაპარლამენტმა გააუქმა პლენარული სხდომა, გაუქმებულია საგარეო საქმეთა მინისტრის მოხსენებაც — რა ხდება პარლამენტმა გააუქმა პლენარული სხდომა, გაუქმებულია საგარეო საქმეთა მინისტრის მოხსენებაც — რა ხდება
-
გადახედვასაქართველოს დასავლური კურსი საფრთხეშია — აშშ-ის სახელმწიფო დეპარტამენტი საქართველოს დასავლური კურსი საფრთხეშია — აშშ-ის სახელმწიფო დეპარტამენტი
-
გადახედვააქციაზე დაშავებული 8 ადამიანის ჰოსპიტალიზაცია გახდა საჭირო — ჯანდაცვის სამინისტრო აქციაზე დაშავებული 8 ადამიანის ჰოსპიტალიზაცია გახდა საჭირო — ჯანდაცვის სამინისტრო
-
გადახედვაახალგაზრდა კაცი თვალის არეშია დაჭრილი სავარაუდოდ, რეზინის ტყვიით ახალგაზრდა კაცი თვალის არეშია დაჭრილი სავარაუდოდ, რეზინის ტყვიით
-
გადახედვამოვუწოდებთ შსს-ს, უარი თქვას კანონსაწინააღმდეგო, ღირსების შემლახავ ძალადობრივ პრაქტიკაზე — საია მოვუწოდებთ შსს-ს, უარი თქვას კანონსაწინააღმდეგო, ღირსების შემლახავ ძალადობრივ პრაქტიკაზე — საია
-
გადახედვამოვუწოდებთ, შეწყვიტონ ძალადობა, წინააღმდეგ შემთხვევაში სპეციალური საშუალებებით შევწყვეტთ აქციას — შს მინისტრის მოადგილე მოვუწოდებთ, შეწყვიტონ ძალადობა, წინააღმდეგ შემთხვევაში სპეციალური საშუალებებით შევწყვეტთ აქციას — შს მინისტრის მოადგილე
-
გადახედვამამუკა მდინარაძე: აღმოჩნდა, რომ 12-მილიმეტრიანი თიაქრით დავდიოდი, ამიტომ ვერ ვიყავი დღეს, ჩათვალეთ, 84-ე ხმა ჩემია მამუკა მდინარაძე: აღმოჩნდა, რომ 12-მილიმეტრიანი თიაქრით დავდიოდი, ამიტომ ვერ ვიყავი დღეს, ჩათვალეთ, 84-ე ხმა ჩემია
-
გადახედვა"მნიშვნელოვანია აქციის მონაწილეები არ გაცდნენ მშვიდობიანი შეკრების უფლების ფარგლებს" — სახალხო დამცველი "მნიშვნელოვანია აქციის მონაწილეები არ გაცდნენ მშვიდობიანი შეკრების უფლების ფარგლებს" — სახალხო დამცველი
-
გადახედვაფოტოებში: აქციაზე დაშავებული მშვიდობიანი დემონსტრანტები ფოტოებში: აქციაზე დაშავებული მშვიდობიანი დემონსტრანტები
-
გადახედვაფონ დერ ლაიენი: დიდი შეშფოთებით ვაკვირდები საქართველოში არსებულ ვითარებას და ვგმობ ძალადობას თბილისის ქუჩებში ფონ დერ ლაიენი: დიდი შეშფოთებით ვაკვირდები საქართველოში არსებულ ვითარებას და ვგმობ ძალადობას თბილისის ქუჩებში
-
გადახედვავითარება რუსთაველზე — ვრცელდება ინფორმაცია რეზინის ტყვიების გამოყენების შესახებ ვითარება რუსთაველზე — ვრცელდება ინფორმაცია რეზინის ტყვიების გამოყენების შესახებ
-
გადახედვამაკა ჩიკვილაძე მთავრობას: ჩვენ, ომში დაღუპული ჯარისკაცების ოჯახის წევრები, გთხოვთ, ნუ აღმართავთ ხელს ახალგაზრდა თაობაზე მაკა ჩიკვილაძე მთავრობას: ჩვენ, ომში დაღუპული ჯარისკაცების ოჯახის წევრები, გთხოვთ, ნუ აღმართავთ ხელს ახალგაზრდა თაობაზე
-
გადახედვაშსს-ს განცხადება დემონსტრანტების წინააღმდეგ წყლის ჭავლისა და წიწაკის სპრეის გამოყენებასთან დაკავშირებით შსს-ს განცხადება დემონსტრანტების წინააღმდეგ წყლის ჭავლისა და წიწაკის სპრეის გამოყენებასთან დაკავშირებით
-
გადახედვააქციის მონაწილეთა ნაწილს "ქართული ოცნების" ოფისისკენ, ნაწილს კი — კანცელარიისკენ გადასვლისკენ მოუწოდეს აქციის მონაწილეთა ნაწილს "ქართული ოცნების" ოფისისკენ, ნაწილს კი — კანცელარიისკენ გადასვლისკენ მოუწოდეს
-
-
გადახედვამამუკა მდინარაძეს დღეს კენჭისყრაში მონაწილეობა არ მიუღია, მან სასწრაფო ოპერაცია გაიკეთა — რადიო თავისუფლება მამუკა მდინარაძეს დღეს კენჭისყრაში მონაწილეობა არ მიუღია, მან სასწრაფო ოპერაცია გაიკეთა — რადიო თავისუფლება
-
-
გადახედვა"დროა, ურთიერთობებმა ქუჩიდან მოლაპარაკების მაგიდასთან უნდა გადაინაცვლოს" — საპატრიარქოს განცხადება "დროა, ურთიერთობებმა ქუჩიდან მოლაპარაკების მაგიდასთან უნდა გადაინაცვლოს" — საპატრიარქოს განცხადება
-
გადახედვაშსს განცხადებას ავრცელებს — რუსული კანონის მხარდამჭერი დეპუტატები შენობიდან სამართალდამცველების დახმარებით გაიყვანეს შსს განცხადებას ავრცელებს — რუსული კანონის მხარდამჭერი დეპუტატები შენობიდან სამართალდამცველების დახმარებით გაიყვანეს
-
გადახედვასია: ოცნების 83 დეპუტატი, რომლებიც რუსულ კანონს კენჭისყრაზე მხარს უჭერენ სია: ოცნების 83 დეპუტატი, რომლებიც რუსულ კანონს კენჭისყრაზე მხარს უჭერენ
-
გადახედვადეპუტატები მალე პარლამენტს დატოვებენ, აქციის მონაწილეები პარლამენტის გვერდითა ქუჩებზე ინაცვლებენ დეპუტატები მალე პარლამენტს დატოვებენ, აქციის მონაწილეები პარლამენტის გვერდითა ქუჩებზე ინაცვლებენ
კომენტარები