გერმანულმა კომპანიამ Siemens, შესაძლოა, რუსეთში თავის აქტივებზე უარი თქვას. ამის შესახებ, გამოცემა Wirtschaftswoche იუწყება.

სიმენსის ჯგუფის ხელმძღვანელი, ჯო კეზერი რუსეთთან ყველა კონტრაქტის გაწყვეტას განიხილავს. საქმე ეხება კომპანიის წარმოებულ ბუნებრივი აირის ტურბინებს, რომლებიც, მათი სურვილის საწინააღმდეგოდ, ყირიმში აღმოჩნდა. კონტრაქტის თანახმად, სიმენსის კლიენტებს არ აქვთ უფლება პროდუქცია რუსეთის მიერ ანექსირებულ რეგიონში გამოიყენონ.

2014 წელს, ყირიმის ანექსიის გამო, ევროკავშირის მიერ რუსეთისთვის დაწესებული სანქციები ევროპულ კომპანიებს ყირიმის ნახევარკუნძულზე ბიზნესის წარმოებას უკრძალავს.