ერთიანი ნაციონალური მოძრაობა დღეს, 9 ივნისს, ვაკის მაჟორიტარი დეპუტატობის კანდიდატად ელენე ხოშტარიას დაასახელებს. დილის კურიერისთვის მიცემულ ინტერვიუში ხოშტარია იმ საკითხებზე საუბრობს, რომელსაც ის საქართველოს პარლამენტში არჩევნის შემთხვევაში მოაწესრიგებს ვაკეში:

"ჩემთვის ძალიან მნიშვნელოვანია ვაკეში გადატვირთული მშენებლობების პრობლემის გადაჭრა, ადგილობრივი პრობლემებიდან პარკინგის პრობლემის გადაჭრა, ზოგადად გამწვანების პრობლემის გადაჭრა, რომელიც ათწლეულების განმავლობაში არ იყო მოგვარებული. მნიშვნელოვანია, რომ პოლიტიკაში, პარლამენტში მოსვლა უკავშირდებოდეს კონკრეტული უბნის პრობლემების გადაჭრას, იმ უბნის, რომელიც მიმაჩნია ჩემი უბანია, სადაც გავიზარდე".

საარჩევნო კამპანია ოფიციალურად 8 ივნისს დაიწყო. საპარლამენტო არჩევნები საქართველოში 2016 წლის 8 ოქტომბერს გაიმართება.