რა ხდება: საზოგადოებრივი მაუწყებლის სამეურვეო საბჭოს სხდომაზე, საბჭოს წევრს, ლიკა შავგულიძეს ჰქონდა კითხვები არხის მენეჯმენტის გადაწყვეტილებაზე, შვიდი გადაცემის დახურვის შესახებ. მას სიტყვიერად დაუპირისპირდა გიორგი გვიმრაძე, არხის ახალი და მიმდინარე ამბების ბლოკის დირექტორი.

დეტალები:

  • ლიკა შავგულიძე მოითხოვდა, არხის ხელმძღვანელებს ფინანსური ანალიზით დაედასტურებინათ გადაწყვეტილების მიზეზი.
  • "მოვითხოვე, საჯაროდ წარმოედგინათ დახურული გადაცემების ბიუჯეტები, რომ განვიხილოთ, რატომ მოხდა ისე, რომ დაიხურა დაბალი ბიუჯეტის მქონე პროგრამები, მაგრამ არ დახურულა უფრო ძვირი, რაც 100 000 ლარი ჯდება", — უთხრა On.ge-ს შავგულიძემ ინციდენტის შესახებ.

კონტექსტი: საზოგადოებრივი მაუწყებლის მენეჯმენტმა დახურა შვიდი გადაცემა, ისევე, როგორც ტელეარხი ტელესკოლა.

  • საზმაუმ, ამის შესახებ, ოფიციალურად, 16 დეკემბერს განაცხადა — ერთი დღის შემდეგ, რაც არხზე გადაცემების დახურვის თაობაზე საზოგადოებამ სხვა მედიასაშუალებებიდან შეიტყო.

  • საზოგადოებრივი მაუწყებლის მენეჯმენტი ამბობს, თითქოს, გადაცემების დახურვა უკავშირდება საკანონმდებლო ცვლილებას, რომლითაც მაუწყებლების დაფინანსების წესი შეიცვლება 2026 წლიდან.

  • ორგანიზაცია მედიის ადვოკატირების კოალიცია, რომელიც 16 ორგანიზაციის გაერთიანებაა, აცხადებს, რომ "ეს ერთგვარი გაგრძელებაა საზოგადოებრივი მაუწყებლის გარშემო განვითარებული მოვლენებისა, რომელიც კიდევ უფრო აძლიერებს შეფასებას, რომ მაუწყებელი მმართველი პარტიის, ქართული ოცნების, ზეგავლენის ქვეშ არის, ვერ ასრულებს მასზე დაკისრებულ მისიას, იყოს პოლიტიკურად ნეიტრალური, ობიექტური და მიუკერძოებელი მედია, და ის 2024 წლის საპარლამენტო არჩევნებს მოუმზადებელი ხვდება".