მართალია, ახალი წელი საყოველთაო დღესასწაულია, თუმცა ადამიანების ნაწილი სამსახურის პასუხისმგებლობებს ვერც ამ დღეს არიდებს თავს და 31 დეკემბერსაც კი საქმეების მოგვარებით არის დაკავებული. თუ ასეთი 1-2 ნაცნობი შენც გაგახსენდა, მათთვის იდეალურ საახალწლო საჩუქრებს შეგარჩევინებთ!

1. ეკრანისგან დამცავი სათვალე

რადგან დღის დიდ ნაწილს შენი ადრესატი სწორედ ლეპტოპთან ატარებს, მნიშვნელოვანია, მხედველობას გაუფრთხილდეს, ამაში კი ეკრანისგან დამცავი სათვალე დაეხმარება. მართალია, მას ამ საჩუქრით სამსახურისგან ვერ დაიხსნი, თუმცა საქმეს ცოტათი მაინც შეუმსუბუქებ.

ფასი: 160 ₾ / დეტალურად ნახვა

2. მაგიდის ორგანაიზერი

ალბათ, საქმეში თავით გადაშვებულს შენც ხშირად დაგვიწყებია, სათვალე, გასაღები ან ტელეფონი სად დადე. მაგიდის ორგანაიზერი ამ პრობლემას მარტივად გადაჭრის და შენი ადრესატის საუკეთესო მეგობარი მალევე გახდება.

ფასი: 132 ₾ / დეტალურად ნახვა

3. ბლუთუზიანი კლავიატურა

სამსახურში ყოფნისას ერთ-ერთი პრიორიტეტი საქმის დროულად და ხარისხიანად კეთებაა, რაშიც სწრაფი, თანამედროვე და კომფორტული ტექნიკა ყველაზე მეტად გვეხმარება. სწორედ ასეთი საჩუქარია ბლუთუზიანი კლავიატურა, რომელიც მუშაობას დამღლელის ნაცვლად, სასიამოვნო პროცესად აქცევს.

ფასი: 179,99 ₾ / დეტალურად ნახვა

4. მაგიდის სანათი

თუ შენს ადრესატს სამსახურში უღამდება და უთენდება, მაგიდის სანათზე უკეთესს ვერაფერს შეურჩევ. სანათი მას მუშაობისას მყუდრო გარემოს შეუქმნის — იქნებ, დროის გასვლაც უფრო მეტად იგრძნოს, 12 საათამდე საქმეების მოლევა და სუფრასთან დაჯდომაც მოასწროს.

ფასი: 34,02 ₾ / დეტალურად ნახვა

5. კისრის ბალიში

ვინც დღე და ღამე ლუკმა-პურის შოვნაშია, დიდი ალბათობით, ძილის პრობლემებიც აწუხებს, ამიტომ კისრის ბალიში მისთვის ნამდვილი მისწრება იქნება. ამ საჩუქრით კარგად დაისვენებს და ყოველ ჯერზე შენც ტკბილად გაახსენდები.

ფასი: 65 ₾ / დეტალურად ნახვა

6. ყავის აპარატი

ძილის პრობლემების მოგვარება მნიშვნელოვანია, მაგრამ რა ვქნათ, თუ საქმეები თავს არ გვანებებს? ყავა შენი ადრესატის ყოველდღიურობის ნაწილი იქნება, ამიტომ საქმე გაუმარტივე — ყავის აპარატის წყალობით სასმლის მომზადებაში ნაკლებ დროს დახარჯავს და მუშაობის ფონზე გემრიელ ყავასაც შეექცევა.

ფასი: 199 ₾ / დეტალურად ნახვა

7. სახის გორგოლაჭებიანი გამწმენდი

ყველას გვსურს, ახალ წელს კარგად გამოვიყურებოდეთ, თუმცა დატვირთული გრაფიკის ფონზე თავის მოვლა ხშირად გვავიწყდება. შენს ადრესატს ამის შეხსენება არ აწყენს — თუ თავად საკუთარი თავისთვის დროს ვერ გამონახავს, შენ სახის გორგოლაჭებიანი გამწმენდით მის კანზეც იზრუნებ და საახალწლო განწყობაზეც.

ფასი: 76 ₾ / დეტალურად ნახვა

თუ ამ სტატიაში მითითებული ბმულებიდან რომელიმე ნივთს იყიდით, ჩვენ, შესაძლოა, პარტნიორი მაღაზიისგან მცირე საკომისიო მივიღოთ. მსგავსი პარტნიორობა არ გულისხმობს ჩვენს სარედაქციო საქმიანობაში ჩარევას და გვეხმარება, დავაფინანსოთ დამოუკიდებელი მედიის საქმიანობა.