ნინი ბრეგვაძე, რომლის სასცენო სახელიც Nini Iris-ია, ამერიკული The Voice-ის ნახევარფინალშია. ამერიკული The Voice-ის შემდეგ ეტაპზე ბრძოლას 9 კონკურსანტი აგრძელებს. The Voice-ის სცენაზე ახლახან Nini Iris-მა ბილი აილიშის ცნობილი ჰიტი No Time To Die შეასრულა და ჟიურის მოწონებაც დაიმსახურა.

ასევე, Nini Iris-მა კონკურსანტებთან ერთად ტეილორ სვიფტის სიმღერა Don't Blame Me შეასრულა. შეგახსენებთ, რომ The Voice-ის კონკურსანტებისთვის ხმის მიცემა უკვე დაიწყო. ამერიკაში მცხოვრებ Nini Iris-ის გულშემატკივრებს ხმის მიცემა ამ ბმულზე შეუძლიათ. ხმის მიცემის დასრულებამდე ცოტა დრო რჩება.

Nini Iris The Voice-ის 12 საუკეთესო მონაწილეს შორის იყო, როცა ბენდ The Cure-ის ცნობილი ჰიტი Lovesong შეასრულა და ჟიურის მოწონებაც დაიმსახურა. მანამდე კი Nini Iris-მა Knockout-ის რაუნდი მოიგო და რინგის რაუნდშიც გაიმარჯვა.