ფინანსთა სამინისტროს საგამოძიებო სამსახურის განცხადებით, მინერალური წყლის ბორჯომის ფალსიფიკაციის ფაქტი გამოვლინდა.

საგამოძიებო სამსახურმა მინერალური წყლის ჩამოსასხმელი კუსტარული ტექნიკური დანადგარები, "ბორჯომის" ეტიკეტები, სხვადასხვა ტევადობის ბოთლები და სარეალიზაციოდ გამზადებული 520 ბოთლი ბორჯომი ამოიღო.

გამოძიება საქართველოს სისხლის სამართლის კოდექსის 197-ე მუხლის პირველი ნაწილითა და 197 -1 პრიმა მუხლის პირველი ნაწილით მიმდინარეობს.