რა ხდება: პროკურატურამ ბრალი წაუყენა პირს, რომელმაც სახელმწიფოს კუთვნილი დიდი ოდენობით თანხა მიითვისა.

დეტალები: გამოძიება სახელმწიფო აუდიტის სამსახურის ანგარიშის საფუძველზე დაიწყო.

  • გამოძიებით დადგინდა რომ ა(ა)იპ ზესტაფონის მუნიციპალიტეტის სიმონ საყვარელიძის სახელობის სპორტული სკოლის ბუღალტერმა, თანამშრომლების მონაცემების გამოყენებით, მივლინების და სპორტული ღონისძიების ხარჯის დანიშნულებით, სახელმწიფო ორგანიზაციის ხაზინიდან, სხვადასხვა დროს, პირად ანგარიშებზე უკანონოდ ჩაირიცხა 86 699 ლარი.
  • მას ბრალი წარუდგინეს მუხლით — სამსახურებრივი მდგომარეობის გამოყენებით სხვისი დიდი ოდენობით ნივთის მართლსაწინააღმდეგო მითვისება, თუ ეს ნივთი მიმთვისებლის მართლზომიერ გამგებლობაში იმყოფებოდა.
  • პროკურატურა აღკვეთის ღონისძიების შეფარდების შუამდგომლობით თბილისის საქალაქო სასამართლოს კანონით დადგენილ ვადაში მიმართავს.