იმის მიუხედავად, რომ ბაიდენმა სი ძინპინს კვლავ დიქტატორი უწოდა, პრეზიდენტები შეხვედრას პროდუქტიულს უწოდებენ — რა გავიგეთ
![ჯო ბაიდენი, სი ძინპინი](http://monica.on.ge/2023/11/16/WE2S2FRU35JOHO7DY2TFUZUVIA_6555fbd832171.jpg)
ფოტო: Reuters
რა ხდება: აშშ და ჩინეთი შეთანხმდნენ, რომ მზარდი დაძაბულობის შესამცირებლად, სამხედროებს შორის მაღალი დონის კონტაქტებს აღადგენენ.
სტრიქონებს შორის: ეს კონტაქტი ჩინეთმა შეწყვიტა 2002 წელს, მას შემდეგ, რაც აგვისტოში, აშშ-ის კონგრესის წარმომადგენელთა პალატის სპიკერი, ნენსი პელოსი ჩავიდა ტაივანში, რომელსაც ჩინეთი თავის ტერიტორიად აცხადებს.
”ჩვენ დავუბრუნდით პირდაპირ, ღია, მკაფიო კომუნიკაციას,” — თქვა ჯო ბაიდენმა კალიფორნიაში, ჩინეთის პრეზიდენტ სი ძინპინთან შეხვედრის შემდეგ.
დეტალები: აშშ-სა და ჩინეთის პირველი პირები, 1 წლის განმავლობაში, პირველად შეხვდნენ ერთმანეთს.
- პრესკონფერენციაზე ბაიდენმა თქვა, რომ კომუნიკაციის ნაკლებობა მათ შორის აღარ იქნება და საჭიროების დროს, ორივე მათგანს შეეძლება, "აიღოს ტელეფონი და პირდაპირ დარეკოს".
- აშშ-ის პრეზიდენტის შეფასებით, იმის მიუხედავად, რომ ისინი კვლავ ბევრ რამეზე ვერ თანხმდებიან, შეხვედრა იყო ერთ-ერთი ყველაზე კონტრუქციული და პროდუქტიული.
- მოგვიანებით, აშშ-ის ბიზნეს ლიდერებთან ვახშამზე სიმ თქვა, რომ სურს ამერიკასთან უკეთესი ურთიერთობები ჰქონდეს.
- "ჩინეთი-აშშ-ს ურთიერთობები აღარ შეიძლება, იყოს დახურული და ახლა ის კვლავ ღიაა. ჩვენ გვჭირდება მეტი ხიდის აგება და მეტი გზის გაკვალვა ერთმანეთს შორის", — თქვა სი ძინპინმა.
საკითხები, რაზეც ორი ლიდერი შეთანხმდა
გარდა სამხედრო ურთიერთობის აღდგენისა, ორმა მხარემ სხვა მნიშვნელოვან შეთანხმებებსაც მიაღწია.
- მათ შორის, შეთანხმდნენ, რომ გადადგამენ ნაბიჯებს, ფენტალინის უკანონო წარმოების და ბრუნვის წინააღმდეგ საბრძოლველად.
- ლიდერებმა განიხილეს ღაზისა და ისრაელის კონფლიქტი. თეთრი სახლის მაღალჩინოსანმა ჟურნალისტებს უთხრა, რომ ბაიდენმა სთხოვა ჩინეთს, გამოიყენოს გავლენები ირანზე, არ გადადგას პროვოკაციული ნაბიჯები.
- ორი ლიდერი, ასევე, შეთანხმდა, რომ აუცილებელია ხელოვნური ინტელექტის სისტემებთან დაკავშირებული რისკების დაძლევა.
- ასევე, ჰქონდათ ხანგრძლივი საუბარი ტაივანთან დაკავშირებით, რომელიც, ერთ-ერთი ამერიკელი მაღალჩინოსნის თქმით, რჩება ყველაზე დიდ და საშიშ პრობლემად აშშ-სა და ჩინეთის ურთიერთობაში.
დაძაბულობა კვლავ რჩება
იმის ნიშნად, რომ ურთიერთობებში სირთულეები კვლავ რჩება, ბაიდენმა, სცენიდან ჩასვლისას, ჟურნალისტის კითხვის საპასუხოდ განაცხადა, რომ სი — დიქტატორია.
- ასეთივე კომენტარი ბაიდენმა ივნისშიც გააკეთა, მაშინ მის განცხადებას ჩინეთის მკაცრი შეფასებები მოჰყვა და "სრულიად აბსურდული და უპასუხისმგებლო" უწოდეს.
- დღეს, ჩინეთის საგარეო საქმეთა სამინისტრომ კვლავ დაგმო ბაიდენის შეფასება და თქვეს, რომ ეს იყო "სრულიად არასწორი" და "პოლიტიკური მანიპულაცია".
- ბაიდენის განცხადების შესახებ არაფერი დაუწერია ჩინურ სახელმწიფო საინფორმაციო სააგენტო სინხუას. გამოცემა აღნიშნავს, რომ პრეზიდენტების შეხვედრა პროდუქტიული იყო.
მსგავსი თემა: ჩინეთის 50-ცენტიანი არმია მსოფლიოში ყალბ ამბებს ავრცელებს — რისთვის უნდა ვიყოთ მზად
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
გადახედვა
-
კომენტარები