ხარ მედიის წარმომადგენელი და გაინტერესებს გარემოსდაცვითი საკითხების კვლევა? მაშინ, შემოუერთდი კვლევითი პროექტების კონკურსს. USAID-ის ეკონომიკური უსაფრთხოების პროგრამის მხარდაჭერით, CENN მედიის წარმომადგენლებისთვის, რომლებიც პლასტმასით გარემოს დაბინძურების საკითხით არიან დაინტერესებული, კვლევითი პროექტების კონკურსს მართავს.

კონკურსი ქართულ მედიაში მომუშავე ჟურნალისტებს, პროდიუსერებს, მედიის სპეციალისტებსა და მედიამკვლევრებს იწვევს პლასტმასით გარემოს დაბინძურების გარშემო მედიაპროდუქტების მოსამზადებლად.

კონკურსის მიზანია, მედიაში დასაქმებულ ადამიანებს, გარემოსდაცვითი საკითხების შესახებ პროფესიული ცოდნის გაღრმავებაში დაეხმარონ. კონკურსის ფარგლებში მონაწილეებმა პლასტმასის ნარჩენების მდგრადი მართვისა და ცირკულარული ეკონომიკის შესახებ ანალიტიკური ჟურნალისტური ნაშრომები უნდა მოამზადონ და აქტიურ მედიაპლატფორმებზე გამოაქვეყნონ.

პროექტის ფარგლებში მონაწილეებს შეუძლიათ მასალა სხვადასხვა ფორმატით წარადგინონ, მაგალითად: სტატია, ვიდეომასალა, სატელევიზიო რეპორტაჟი, რადიო რეპორტაჟი, პოდკასტი, მულტიმედია კონტენტი.

კონკურსი რამდენიმე ეტაპისგან შედგება:

21 ნოემბერს ერთდღიანი სავალდებულო თემატური ტრენინგი და პრაქტიკული სასწავლო ვიზიტი გაიმართება თბილისში. ტრენინგზე მონაწილეები ამომწურავ ინფორმაციას მიიღებენ ცირკულარულ ეკონომიკაზე და ნარჩენების მართვის პრაქტიკაზე საქართველოში.

ტრენინგისა და სასწავლო ვიზიტის დასრულების შემდეგ, ჟურნალისტებმა შერჩეული თემისა და დაგეგმილი კვლევის კონცეფცია უნდა წარმოადგინონ.

კონცეფციებს დამოუკიდებელი ჟიური შეაფასებს და ოთხ გამარჯვებულ ავტორს შეარჩევს. გამარჯვებულ ავტორებთან კვლევის ჩატარებაზე ხელშეკრულება გაფორმდება.

გამარჯვებულებთან თითო კვლევის ჩასატარებლად დაიდება ხელშეკრულება, რომლის ფარგლებშიც 1 450 ლარი გამოიყოფა.

კონკურსში მონაწილეობა შეუძლიათ მედიაპროფესიონალებს მთელი საქართველოს მასშტაბით. ადგილების რაოდენობა შეზღუდულია, რის გამოც ჟურნალისტების გამოცდილებაზე, მოტივაციასა და შემოთავაზებული პლატფორმის რელევანტურობაზე დაყრდნობით შეირჩევიან. კონკურსის ყველა ხარჯს პროექტი დაფარავს.

კონკურსის შესახებ დეტალური ინფორმაცია შეგიძლიათ იხილოთ ბმულზე.

კონკურსში მონაწილეობის მისაღებად უნდა შეავსოთ სარეგისტრაციო ფორმა 2023 წლის 15 ნოემბრის 18:00 საათამდე ამ ბმულზე.

სტატია მომზადებულია პროექტის "საზოგადოების გაძლიერება ცირკულარული გადაწყვეტების დანერგვისათვის საქართველოში" ფარგლებში, რომელსაც ახორციელებს CENN, USAID-ის ეკონომიკური უსაფრთხოების პროგრამის მხარდაჭერით.