დღეს, 8 ნოემბერს გამოქვეყნდა ევროკომისიის ყოველწლიური მოხსენება გაფართოების შესახებ — მათ რეკომენდაცია გასცეს ევროსაბჭოსთვის, მიენიჭოს საქართველოს ევროკავშირის კანდიდატი ქვეყნის სტატუსი.

  • გადაწყვეტილების შესახებ რამდენიმე წუთის წინ გახდა ცნობილი.
  • გადაწყვეტილება გამოაცხადა ევროკომისიის პრეზიდენტმა, ურსულა ფონ დერ ლეინმა.

როდის გვეცოდინება საბოლოო პასუხი:

დეკემბერში.

  • ევროკომისიამ დღეს მხოლოდ რეკომენდაცია გასცა. საბოლოო გადაწყვეტილების მიღება კი 2 ეტაპისგან შედგება.
  • მეორე, ანუ პოლიტიკური გადაწყვეტილების შესახებ, დეკემბრის შუა რიცხვებში შევიტყობთ.
  • საბოლოო გადაწყვეტილება ევროკავშირის 27-მა პოლიტიკურმა ლიდერმა უნდა მიიღოს.
  • მათ, შესაძლებელია, გაიზიარონ ევროკომისიის რეკომენდაცია, ან — არ გაიზიარონ.

წინა ეტაპები:

  • 2022 წლის თებერვალში, ევროკავშირის წევრობის კანდიდატის სტატუსზე განაცხადი შეიტანა უკრაინამ, თუმცა არა — საქართველომ.
  • საქართველომ ევროკავშირის წევრობის განაცხადი 2022 წლის 3 მარტს, მოლდოვასთან ერთად წარადგინა. საქართველოს მთავრობამ ევროკომისიისგან მიიღო კითხვარი, რომელიც პასუხებით ბრიუსელს გაუგზავნა.
  • 2022 წლის ივნისში, მას შემდეგ, რაც ევროპულმა საბჭომ, უკრაინისა და მოლდოვისგან განსხვავებით, საქართველოს არ მიანიჭა ევროკავშირის კანდიდატის სტატუსი, საქართველოს ევროპული მომავალი კითხვის ნიშნის ქვეშ დადგა. ამას მოჰყვა ათობით ათასი მოქალაქის საპროტესტო აქცია რუსთაველის გამზირზე.

გაიგე მეტი: რას ითვალისწინებს საქართველოსთვის გაცემული რეკომენდაციების 12 პუნქტი