კომპანია აჭარაბეთი რომელიც საქართველოში სპორტის მნიშვნელოვანი მხარდამჭერია განსაკუთრებულად ულოცავს ქართული ფეხბურთის ლეგენდას ისტორიულ თარიღს და 98 წლის იუბილეს. აჭარაბეთმა რომელიც საფეხბურთო კლუბ დინამოს გენერალური სპონსორია, გადაწყვიტა გაეკეთებინა დინამოსთვის და მისი გულშემატკრებისთვის.

ყველასათვის საყვარელი კომპოზიტორის ვაჟა აზარაშვილის მიერ შექმნილ სიმღერაზე დინამო,დინამო, მუსიკოსმა ნიაზ დიასამიძემ სპეციალურდ ამ დღისთვის სიმღერის ახლებური ვერსია შეასრულა და ნიაზთან ერთად სიმღერას, კლუბ დინამოს ყველა თაობის წარმომადგენლები ასრულებენ. სიმღერასთან ერთად შეიქმნა ვიდეო რგოლიც.

ფოტო: დინამო თბილისი

"აჭარაბეთისთვის მნიშვნელოვანია სპორტის მხარდაჭერა და ყველა იმ ადამიანის დაფასება ვინც ქართული სპორტი შექმნა და აქამდე მოიტანა. კომპანიის გუნდი მუდმივად ცდილობს ხელი შეუწყოს როგორც პროფესიონალ, ასევე ახლი თაობის სპორტსმენებს, განვითარებაში. ამასთან აღვნიშნოთ ყველა იმ ადამიანის წვლილი ვინც მონაწილეობა მიიღო ქართული ფეხბურთის განვითარებაში. ეს კამპანიაც სწორედ ამას ემსახურება. კიდევ ერთხელ მთელი აჭარაბეთის სახელით მინდა მივულოცო კლუბ „დინამოს“ და მისი ყველა თაობის წარმომადგენელს ეს მნიშვნელოვანი დღე. ჩვენთვის განსაკუთრებით სასიხარულოა, სწორედ ასეთი ფორმით მილოცვა და ყველასთვის საყვარელი საფეხბურთო ჰიმნის ახალი ვერსიის წარდგენა. მჯერა, გულშემატკივარი შეიყვარებს მას, ვიდეო რგოლი კი ისტორიას დარჩება" — განაცხადა აჭარაბეთის საზოგადოებასთან ურთიერთობის დეპარტამენტის დირექტორმა ნინი გუჯაბიძემ.

"დინამო თბილისის მდიდარი ისტორია თითოეული ჩვენგანისთვის ძალიან მნიშვნელოვანი და ძვირფასია. სწორედ ეს წარსული ხდის ჩვენს კლუბს განსაკუთრებულს. აქედან გამომდინარე, ძალიან სასიამოვნოა, რომ 98 წლის იუბილეს ასეთ სასიამოვნო გარემოში აღვნიშნავთ. განახლებული ჰიმნი უდავოდ მაღალი ხარისხის პროდუქტია, რომელიც თავიდან აღვიძებს იმ ემოციებს, რომელთანაც დინამოა დაკავშირებული. მინდა მადლობა გადავუხადო ჩვენს პარტნიორს აჭარაბეთს, რომლის გარეშეც ეს ყველაფერი არ შედგებოდა. დარწმუნებული ვარ ჩვენი თანამშრომლობა მომავალშიც ასეთივე წარმატებით გაგრძელდება." — განაცხადა დინამო თბილისის გენერალურმა დირექტორმა ზაზა დოლიძემ.

დინამო თბილისი 1925 წლის შემოდგომაზე დაარსდა. დინამო თბილისის ტიტულები ათვლას ჯერ კიდევ საბჭოთა კავშირის პერიოდიდან იწყებს და დამოუკიდებელი საქართველოს ეპოქაში გრძელდება.

კლუბის უდიდესი მიღწევა 1981 წელს ევროპის თასის მფლობელთა თასის მოპოვება გახდა. ამ გათამაშების ფინალში მან აღმოსავლეთ გერმანული იენის კარლ ცაისის წინააღმდეგ თამაშში, დიუსელდორფში ანგარიშით 2-1 გაიმარჯვა.