რა ხდება: გასული ღამე ღაზის სექტორისთვის ყველაზე მძიმე იყო — BBC წერს, რომ ასეთი მასშტაბით ისრაელს ღაზა ჯერ არ დაუბომბავს.

  • ვარაუდობენ, რომ გამოიყენეს სხვადასხვა სახის ბომბი.
  • ყველა ქალაქში პანიკაა, მათ შორის სამხრეთით მდებარე ხან-იუნისში, სადაც მოსახლეობა ოჯახის წევრებთან დაკავშირებას ვერ ახერხებს.
  • სატელეფონო კავშირი ღაზის სექტორში შეწყვეტილია.

რას ასახელებს ისრაელი ავიადარტყმების სამიზნედ: ისრაელის შეიარაღებული ძალების ინფორმაციით, ყველაზე ინტენსიური დაბომბვის შედეგად, ღაზაში 150 მიწისქვეშა ობიექტი გაანადგურეს.

  • მათივე თქმით, მოკლულია ჰამასის ერთ-ერთი ლიდერი, ასემ აბუ რაბაქა.
  • ისრაელის მტკიცებით, სწორედ რაბაქა იყო პასუხისმგებელი ჰამასის საჰაერო დარტყმებზე, მათ შორის - დრონების გამოყენებასა და პარაგლაიდერებზე, რომელთა საშუალებითაც 7 ოქტომბერს ისრაელში 1400-ზე მეტი ადამიანი მოკლეს.

ამასთან, ისრაელის მთავრობის წარმომადგენელი ამბობს, რომ ღაზის სექტორში აფართოებენ სახმელეთო ოპერაციასაც, თუმცა დეტალების შესახებ არ საუბრობს.

ისრაელის შეიარაღებულმა ძალებმა (IDF) გამოაქვეყნა ვიდეო, სადაც, მათი თქმით, ღაზის სექტორში IDF-ის სახმელეთო ძალები ჩანს.