ცოტა ხნის წინ პარიზის გრევენის მუზეუმს დუეინ ჯონსონის ახალი ცვილის ფიგურა შეემატა. მსახიობმა და მისმა ფანებმა სოციალურ ქსელებში უკვე აღნიშნეს, რომ დუეინ ჯონსონთან შედარებით ცვილის ფიგურის კანის ფერი უფრო ღიაა. ამ საკითხის შესახებ მუზეუმს უკვე დუეინმაც მიმართა.

ერთ-ერთ სატელევიზიო შოუში დუიენ ჯონსონს გაეხუმრნენ კიდეც, რომ მისი ცვილის ფიგურის ავტორს მსახიობი არც კი დაუგუგლავს. ამაზე პასუხად დუეინ ჯონსონმა გრევენის მუზეუმს მიმართა: "ჩემი ცვილის ფიგურის რამდენიმე დეტალი განაახლეთ და კანის ფერით დაიწყეთ". შემდეგ კი მსახიობმა დასძინა, რომ მუზეუმთან პირადად დაკავშირებას ახლო მომავალში აპირებს.

ფოტო: Getty Images

ცნობისთვის, დუეინ ჯონსონი კალიფორნიაში დაიბადა, მამამისი შავკანიანი კანადელია, დედა კი კუნძულ სამოადანაა. დუეინ ჯონსონის ცვილის ფიგურა მუზეუმში 16 ოქტომბერს განათავსეს, რის შესახებაც ინფორმაცია ვებგვერდზეც გამოქვეყნდა, სადაც აღნიშნული იყო, რომ ფიგურა მსახიობის ფოტოებსა და ვიდეოებზე დაყრდნობით შეიქმნა.

როგორც მუზეუმის წარმომადგენელმა განმარტა, შედარებით მუქი ფერის კანი დუეინ ჯონსონის ცვილის ფიგურის სახის ნაკვთებთან შეუსაბამო იყო. მოგვიანებით კი, მუზეუმი მსახიობის პოზიციას დაეთანხმა და განაცხადა, რომ ცვილის ფიგურა უახლოეს მომავალში განახლდება.