დრონებმა დიდი გავლენა მოახდინეს უკრაინის ომზე, უპილოტო საფრენი აპარატებს ორივე მხარე დიდი რაოდენობით იყენებს. ჩინეთის გადაწყვეტილებამ, ექსპორტზე შეზღუდვების დაწესებასთან დაკავშირებით, უკრაინაში შეშფოთება გამოიწვია, რადგან მიწოდებასთან დაკავშირებით, შესაძლოა, პრობლემები შეიქმნას, — წერს BBC Monitoring-ის ჟურნალისტი, ვიტალი შევჩენკო, რომელიც უკრაინელი ჟურნალისტია და BBC-სთვის მუშაობს 2012 წლიდან.

რა ხდება? დრონების უმეტესობა, კომერციულად, ჩინეთშია დამზადებული. მათი ახალი მარაგი უკრაინისთვის სასიცოცხლოდ მნიშვნელოვანია.

  • ლონდონში დაფუძნებული ანალიტიკური ცენტრის — გაერთიანებული სერვისების სამეფო ინსტიტუტის ინფორმაციით, უკრაინა თვეში, დაახლოებით, 10 000 დრონს კარგავს.
  • მოხალისეთა ჯგუფებმა მნიშვნელოვანი როლი ითამაშეს თანხების შესაგროვებლად და უკრაინის არმიისთვის მარაგების აღსადგენად.

დეტალები: ჩინეთის მთავრობის მიერ დაწესებული უახლესი შეზღუდვები ძალაში 1-ელ სექტემბერს შევიდა.

  • შეზღუდვა ვრცელდება შორ მანძილზე მოქმედ დრონებზე, 4 კგ-ზე მეტი წონით, ასევე, მათ აღჭურვილობაზე, როგორიცაა — კამერა და რადიო მოდული.
  • ასეთი აღჭურვილობის მწარმოებლებს ჩინეთში საექსპერტო ლიცენზიები მოსთხოვეს.
  • ჩინეთის ხელისუფლება კი, რომელსაც უკრაინაში რუსეთის შეჭრა არ დაუგმია, აცხადებს, რომ კომერციული დრონები სამხედრო მიზნებისთვის არ უნდა გამოიყენებოდეს.

უკრაინელი მოხალისეები და ჯარისკაცები აცხადებენ, რომ:

  • ჩინეთის შეზღუდვებმა, ჯერჯერობით, მინიმალური გავლენა მოახდინა დრონების ხელმისაწვდომობაზე, განსაკუთრებით კი — მსუბუქ Mavic-ებზე, რომლებიც დამზადებულია ჩინური კომპანია DJI-ის მიერ.
  • თუმცა ამბობენ, რომ ნაწილების მიწოდება უკვე პრობლემად იქცა და შიშობენ, რომ მომავალში სიტუაცია, შესაძლოა, გაუარესდეს.

უფრო აქტიურად ვყიდულობთ ვყიდულობთ მარაგებს, რაც კი ევროპის საწყობებში დარჩა, მაგრამ რისი გაკეთება შეგვეძლება მომავალში, ჯერ უცნობია,

ამბობს უკრაინის ყველაზე დიდი მოხალისეთა ჯგუფის, "დიგნიტასის" ხელმძღვანელი, ლუბა შიპოვიჩი.

მისი თქმით, ყველაზე რთულად საშოვნელი თერმული კამერები იქნება.

ჩინეთის აკრძალვების გავლენის შესამცირებლად, უკრაინელები ალტერნატიულ გზებს ეძებენ, როგორც სხვა ქვეყნებში, ასევე, უკრაინაშიც.

ანატოლო პოლკოვნიკოვი, რომელიც დრონების შეძენაშია, ამბობს, რომ

  • საფრენი აპარატების მოტორების წარმოების დასაწყებად უკრაინული სტარტაპი ემზადება.
  • პოლკოვნიკოვი ოპტიმისტურად არის განწყობილი მომავლის მიმართ: "არა მგონია, ჩინეთის ამ შეზღუდვებმა რაიმე გავლენა მოახდინოს ზოგად ვითარებაზე. მაქვს განცდა, რომ გრძელვადიან პერსპექტივაში ისინი უკრაინაში წარმოების სტიმულირებას მოახდენენ", — ამბობს ის.

უკრაინის ომი პირველი შეიარაღებული კონფლიქტია, რომელშიც დრონებს ასე ფართოდ იყენებენ. ორივე მხარე გეგმავს, რომ საფრენი აპარატების გამოყენება კვლავ გააგრძელოს.