უკვე მეორე დღეა, საქართველოს მთელ ტერიტორიაზე აგრილდა. გარემოს ეროვნული სააგენტოს ინფორმაციით, დღეს, 7 ივლისს, თითქმის ყველა ქალაქში წვიმს, მათ შორის ზღვისპირეთშიც, სადაც საზღვაო სეზონი უკვე დაწყებულია.

ჰაერის მოსალოდნელი ტემპერატურა დღეს, თბილისში, +18 გრადუსია, რაც შეეხება შავი ზღვის სანაპიროზე მდებარე ქალაქებს, აქ ჰაერი +25 გრადუსამდე დათბება, თუმცა, იქნება წვიმა. შავ ზღვაზე ამ წუთებში შტორმია და ბანაობა არ შეიძლება.

საქართველოს მთელ ტერიტორიაზე 9 ივლისს მოსალოდნელია დროგამოშვებით ხანმოკლე წვიმა და ელჭექი, აღმოსავლეთ საქართველოში ზოგან შესაძლებელია სეტყვა. 10 ივლისიდან გამოიდარებს და ტემპერატურაც გაიზრდება. პროგნოზის მიხედვით, შავი ზღვის კურორტებზე წვიმა 8 ივლისის მერე არ იქნება, თუმცა, 11 ივლისს ბათუმში კვლავ ნალექს ვარაუდობენ.