თუ გასულ კვირას სელებრითებისთვის არ გეცალა, შეგიძლია, წინა კვირის მსოფლიოს კულტურის ამბებს თვალი ჩვენთან ერთად გადაავლო. ამ სტატიაში 10 ამბავი შევაგროვეთ, რომელიც შეიძლება, გამოგრჩა.

1. ბალენსიაგას 2024 წლის ახალი კოლექციის ჩვენება დემნას დედამ გახსნა — ფოტოები

ცოტა ხნის წინ პარიზში ბალენსიაგამ 2024 წლის ზაფხულის კოლექცია წარადგინა. ჩვენება განსაკუთრებული და დასამახსოვრებელი აღმოჩნდა, რადგან მაყურებელმა სცენაზე პირველი დემნას დედა იხილა, ახალი კოლექციის წარდგენა კი დემნას პარტნიორმა, ლოიკ გომესმა, დაასრულა.

უფრო ვრცლად იხილეთ აქ.

2. ვამაყობ, რომ შოუ დედამ გახსნა, სამწუხაროა, რომ არ დამპატიჟეს — გურამ გვასალია

2024 წლის ახალი კოლექციის ჩვენება დემნას დედამ გახსნა. ამ ფაქტს დემნას ძმა, გურამ გვასალია, სოციალურ ქსელებში გამოეხმაურა.

"ვამაყობ, რომ ბალენსიაგას შოუ დედამ გახსნა. ძალიან სამწუხაროა, რომ არ დამპატიჟეს, რათა პირადად მენახა. ვლოცულობ ჩემი ძმის სულისთვის. ღმერთმა დალოცოს იგი", — წერს გურამ გვასალია ინსტაგრამზე.

უფრო ვრცლად იხილეთ აქ.

3. ენ ჰეთუეისა და მერილ სტრიპის შეხვედრა "ეშმაკი ატარებს პრადას" კადრი გეგონებათ

ხუთშაბათს Albie-ის დაჯილდოებაზე ენ ჰეთუეიმ და მერილ სტრიპმა ყველასთვის საყვარელი ეშმაკი ატარებს პრადას გამოსვლიდან 17 წლის შემდეგ ნამდვილი მირანდა პრისტლისეული შეხვედრა მოაწყვეს.

უფრო ვრცლად იხილეთ აქ.

4. პამელა ანდერსონი პარიზის მოდის კვირეულზე უმაკიაჟოდ მივიდა — აი, რატომ

მოდელი და მსახიობი პამელა ანდერსონი პარიზის მოდის კვირეულზე უმაკიაჟოდ მივიდა. ის ჩვენებებს ოთხი დღის განმავლობაში ესწრებოდა და მიუხედავად იმისა, რომ დასამახსოვრებელი ჩაცმულობითაც გამოირჩეოდა, ყველას ყურადღება სწორედ კვირეულზე მაკიაჟის გარეშე მისვლით მიიქცია.

უფრო ვრცლად იხილეთ აქ.

5. 140-წლიანი ლოდინის შემდეგ საგრადა-ფამილიას მშენებლობა დასასრულს უახლოვდება

140 წელზე მეტი ხნის შემდეგ, ბარსელონის სიმბოლოდ ქცეული საგრადა-ფამილიას ბაზილიკის მშენებლობა დასასრულს უახლოვდება. ამ დროისთვის ტაძრის ხუთი ცენტრალური კოშკის მშენებლობა უკვე დასრულებულია, მეექვსე და უკანასკნელ კოშკზე მუშაობა კი, სავარაუდოდ, 2026 წელს დამთავრდება

უფრო ვრცლად იხილეთ აქ.

6. ნობელის პრემია ლიტერატურაში — გაიგეთ, ვინ გახდა წლევანდელი ლაურეატი

სულ ცოტა ხნის წინ ლიტერატურის დარგში ნობელის პრემიის 2023 წლის ლაურეატი დასახელდა. ყველაზე პრესტიჟულ პრემიად აღიარებული ჯილდო ნორვეგიელ პროზაიკოსსა და დრამატუგს, იუნ ფოსეს, ერგო.

უფრო ვრცლად იხილეთ აქ.

7. რა მუშათა კლასი? მამაშენს როლს-როისი ჰყავდა — დევიდ ბექჰემმა ვიქტორია დაამუნათა

ახლახან ინტერნეტში ბექჰემების ოჯახზე გადაღებული დოკუმენტური ფილმიდან, სახელად Beckham, ვიდეო ვირუსულად გავრცელდა. ვიდეოში ვიქტორია ჰყვება, თუ როგორ შეხვდა თავის მომავალ ქმარს პირველად და იმასაც აღნიშნავს, რომ ორივე მუშათა კლასს მიეკუთვნებოდნენ, რაზეც დევიდი არ დაეთანხმა.

უფრო ვრცლად იხილეთ აქ.

8. ჯო ბაიდენის ძაღლს თეთრი სახლის დატოვება უწევს, რადგან დაცვის თანამშრომლებს უკბინა

აშშ-ის პრეზიდენტ ჯო ბაიდენის ძაღლს, სახელად კომენდერს, თეთრი სახლის დატოვება მას შემდეგ მოუწია, რაც რამდენჯერმე ადამიანები დაკბინა. ძაღლი პრეზიდენტის უსაფრთხოების სამსახურის წევრების მიმართ აგრესიული 2022 წლის ოქტომბრიდან გახდა.

უფრო ვრცლად იხილეთ აქ.

9. ფონდის დაფუძნება მაშინ გადავწყვიტე, როცა ყველაზე რთული დღეები გავიარე — სელენა

სელენა გომესმა რამდენიმე დღის წინ მისი 2020 წელს დაფუძნებული ფონდი Rare Impact Fund Benefit-ის პირველი შეხვედრა გამართა. ფონდის მიზანი ახალგაზრდების მენტალურ ჯანმრთელობაზე მომუშავე ორგანიზაციებისთვის დონაციების შეგროვებაა.

გომესის თქმით, რომ ფონდის დაფუძნებაზე ფიქრი მაშინ დაიწყო, როცა ცხოვრებაში ყველაზე რთული დღეების გამოვლა მოუწია და ეს მისი დიდი ხნის მიზანი იყო.

უფრო ვრცლად იხილეთ აქ.

10. პერის ჰილტონის მემუარის მიხედვით გადაღებულ სერიალზე დები ფენინგები იმუშავებენ

პერის ჰილტონის მემუარის მიხედვით სერიალს გადაიღებენ. ჰილტონმა ავტობიოგრაფიული წიგნი წლის დასაწყისში გამოუშვა, რომელშიც კარიერულ თუ პირად გამოწვევებზე ჰყვება. ჰილტონი წიგნში პოპსამყაროში თავის დამკვიდრების სირთულეებზე საუბრობს. სერიალზე მსახიობ დაკოტა და ელ ფენინგების კომპანია Lewellen Pictures იმუშავებს, დები შოუს აღმასრულებელი პროდიუსერები იქნებიან.

უფრო ვრცლად იხილეთ აქ.