ინვესტირება ქონების დაგროვების ერთ-ერთი ყველაზე ეფექტიანი გზაა. საქართველოს ბანკი კი აქტიურად ცდილობს მომხმარებლებისთვის საფონდო ბირჟაზე ხელმისაწვდომობის გაზრდას. სწორედ ამ მიზანს ემსახურება კამპანია, რომელიც საქართველოს ბანკმა 8 სექტემბერს დაიწყო.

აქციის ფარგლებში, 31 ოქტომბრამდე შესაძლებლობა გაქვთ, ყოველგვარი საკომისიოს გარეშე ისარგებლოთ საქართველოს ბანკის მიერ შექმნილი საინვესტიციო მოდულით. ამ პერიოდის განმავლობაში არ მოგიწევთ არც ვაჭრობის საკომისიოს და არც საინვესტიციო ანგარიშის მომსახურების ყოველთვიური საკომისიოს გადახდა.

აქციაში ჩართვის უფლება აქვთ როგორც საინვესტიციო მოდულის მომხმარებლებს, ასევე იმ პირებს, რომლებიც ანგარიშს 8 სექტემბრიდან 31 ოქტომბრამდე გახსნიან. ამ პერიოდში შეგიძლიათ იყიდოთ ან გაყიდოთ თქვენთვის სასურველი ნებისმიერი აქცია ან ფონდი (ETF), ტრანზაქციების სანაცვლოდ კი საკომისიოს გადახდა არ მოგიწევთ.

უნდა აღინიშნოს, რომ კამპანია არ ვრცელდება 5 დოლარზე ნაკლები ღირებულების მქონე აქციებზე, ე.წ. Penny Stock-ზე. ასეთი აქციების შემთხვევაში მოქმედებს სტანდარტული საკომისიო, რომელიც თითო აქციაზე 0.02 დოლარია, ხოლო ტრანზაქციის მინიმალური საკომისიო $0.5-ს, მაქსიმალური კი – 1.5%-ს შეადგენს. თუმცა, საქართველოს ბანკის SOLO/WM მომხმარებლებისთვის ამ შემთხვევაშიც მოქმედებს 3 ტრანზაქციის უფასოდ განხორციელების პირობა.

სააქციო პერიოდში გალტ&თაგარტს აქვს უფლებამოსილება, მომხმარებლის ქცევაზე დაკვირვების შედეგად, კამპანიიდან გამოთიშოს კონკრეტული მომხმარებელი, რის შემდეგაც ის საინვესტიციო მოდულით სარგებლობას სტანდარტული პირობებით გააგრძელებს.

საქართველოს ბანკის მობილბანკის დახმარებით მთელი უოლ-სტრიტი თქვენს ხელშია – აპლიკაცია საშუალებას გაძლევთ სახლიდან გაუსვლელად, ორ წუთში შეიძინოთ 6 000-მდე განსხვავებული ფასიანი ქაღალდი, აქცია და ფონდი. ახლა კი ეს შესაძლებლობა ნებისმიერი საკომისიოს გარეშე არის ხელმისაწვდომი.

გაიგე უფრო მეტი საქართველოს ბანკის ინვესტიციების შესახებ ბმულზე.