ცოტა ხნის წინ ზენდეიამ ინსტაგრამის "სთორიში" ფოტო დადო, რომელშიც არათითზე ბეჭედი ეკეთა. შეიძლება მსახიობმა ჩათვალა, რომ ეს მხოლოდ ერთი ჩვეულებრივი ფოტო იყო, თუმცა ინტერნეტს ასე არ უფიქრია და ძალიან მალე ზენდეიასა და ტომ ჰოლანდის სავარაუდო ნიშნობაზე აზრთა გაცვლა-გამოცვლამ ინტერნეტი ააფეთქა.

ზენდეიას მოუწია, "სთორიში" ვიდეო დაეპოსტა, რომელშიც განმარტა, რომ არა, ის და ტომ ჰოლანდი არ დანიშნულან.

"ვერაფერი ვერ დამიპოსტავს, ხალხო. ფოტო ჩემი ქუდის გამო დავდე და არა ჩემი მარჯვენა ხელის ბეჭდისთვის. მართლა ფიქრობთ, რომ ახალ ამბავს ეგრე გაგაგებინებდით?"

ფოტო: zendaya / Instagram

მოგვიანებით მსახიობმა იგივე, ოღონდ შედარებით შორიდან გადაღებული ფოტო დადო, რომელშიც კალათბურთის გუნდის, Golden State Warriors-ის, ქუდი უკეთ ჩანს და მიაწერა: "მოდი მთლიან ფოტოს დავდებ, რათა დაწყნარდეთ".

სპაიდერმენის ვარსკვლავებმა ურთიერთობა დაახლოებით 3 წლის წინ დაიწყეს, თუმცა ურთიერთობის დეტალებს საზოგადოებას ძალიან იშვიათად უზიარებენ. მათ არაერთხელ აღნიშნეს, რომ ცდილობენ, მათი ურთიერთობა საზოგადოების თვალს მოაშორონ და შედარებით მშვიდი ცხოვრებით ისიამოვნონ.