ველოდი მირცხულავა, რომელიც საზოგადოების დიდმა ნაწილმა ვირუსული ვიდეოთი გაიცნო, 88 წლის ასაკში გარდაიცვალა. ინფორმაცია ამის შესახებ სოციალურ ქსელში მისმა შვილმა გაავრცელა.

საქართველოს პარლამენტის ეროვნული ბიბლიოთეკის ბიოგრაფიული ლექსიკონის ინფორმაციით, ველოდი მირცხულავა 1990-1991 წლებში საქართველოს რესპუბლიკის პირველი მოწვევის უზენაესი საბჭოს წევრი იყო. მას ასევე საქართველოს სახელმწიფოებრივი დამოუკიდებლობის აღდგენის აქტზე აქვს ხელი მოწერილი.